ഇറാനില്‍ കര സൈനിക നടപടിയുടെ ആവശ്യമില്ലെന്ന് യുഎസ് നിയമനിര്‍മ്മാതാക്കള്‍

വാഷിങ്ടണ്‍: ഇറാനില്‍ കര സൈനിക നടപടിയുടെ ആവശ്യമില്ലെന്ന് യുഎസ് നിയമനിര്‍മ്മാതാക്കള്‍. ഇറാനില്‍ കര സൈനിക നടപടി സ്വീകരിക്കാന്‍ അമേരിക്ക സൈന്യത്തെ അയയ്‌ക്കേണ്ട ആവശ്യമില്ലെന്ന് യുഎസ് കോണ്‍ഗ്രസ് അംഗം ലിന്‍ഡ്‌സെ ഗ്രഹാം പറഞ്ഞു.

'ഈ പോരാട്ടം ഇന്ന് അവസാനിക്കാന്‍ പോകുന്നില്ല. ഈ പോരാട്ടം ആഴ്ചകളോളം നീണ്ടുനില്‍ക്കും,' ലിന്‍ഡ്‌സെ ഗ്രഹാം വാഷിംഗ്ടണില്‍ മാധ്യമപ്രവര്‍ത്തകരോട് പറഞ്ഞു.

മിസൈലുകള്‍ നിര്‍മ്മിച്ചും ആണവായുധങ്ങള്‍ വീണ്ടും നിര്‍മ്മിക്കാന്‍ ശ്രമിച്ചും അമേരിക്കയെ ആക്രമിക്കാന്‍ കഴിയുന്നത്ര ശക്തി ഇറാന്‍ വീണ്ടും വികസിപ്പിക്കുന്നില്ലെന്ന് ഉറപ്പാക്കുകയാണ് അമേരിക്കയുടെ ലക്ഷ്യമെന്നും ലിന്‍ഡ്‌സെ ഗ്രഹാം വ്യക്തമാക്കി.