ട്രംപ് വിളിച്ചു; ഗസയിലെ ക്രിസ്ത്യന്‍ പള്ളി തകര്‍ത്ത് കൊലപാതകങ്ങള്‍ നടത്തിയതില്‍ ദുഖമുണ്ടെന്ന് നെതന്യാഹു

തെല്‍അവീവ്: ഗസയിലെ ഹോളി ഫാമിലി ചര്‍ച്ച് തകര്‍ത്ത് രണ്ടു ക്രിസ്ത്യാനികളെ കൊന്നതില്‍ ദുഖമുണ്ടെന്ന് ഇസ്രായേലി പ്രധാനമന്ത്രി ബെഞ്ചമിന്‍ നെതന്യാഹു. ഇരകള്‍ക്കൊപ്പം നില്‍ക്കുകയാണ് താന്‍ ചെയ്യുന്നതെന്നും അദ്ദേഹം പറഞ്ഞു.

ഹോളി ഫാമിലി ചര്‍ച്ചില്‍ ആക്രമണമുണ്ടായ ഉടന്‍ ഡോണള്‍ഡ് ട്രംപ് ഇസ്രായേലിലേക്ക് ഫോണ്‍ ചെയ്‌തെന്ന് വൈറ്റ്ഹൗസ് പ്രസ് സെക്രട്ടറി കരോലൈന്‍ ലീവിറ്റ് പറഞ്ഞു. ആക്രമണം തെറ്റാണെന്ന് പ്രസ്താവന ഇറക്കാമെന്ന് നെതന്യാഹു ട്രംപിനോട് സമ്മതിച്ചുവെന്നും കരോലൈന്‍ പറഞ്ഞു.ക്രിസ്ത്യാനികളായ സാദ് സലാമ, ഫൗമിയ അയ്യാദ് എന്നിവരാണ് ഇസ്രായേല്‍ നടത്തിയ ആക്രമണത്തില്‍ കൊല്ലപ്പെട്ടിരുന്നത്. ഫാദര്‍ ഗബ്രിയേല്‍ റൊമനെല്ലി അടക്കം നിരവധി പേര്‍ക്കും പരിക്കേറ്റു.