മാരക മയക്കുമരുന്നുമായി രണ്ടു യുവാക്കള് എക്സ്സൈസിന്റെ വലയിലായി

പരപ്പനങ്ങാടി: മാര്ക്കറ്റില് ലക്ഷങ്ങള് വിലമതിക്കുന്ന മാരക ലഹരിവസ്തുവുമായി രണ്ടു യുവാക്കളെ പരപ്പനങ്ങാടി എക്സ്സൈസ് പിടികൂടി. എക്സ്സൈസ് ഇന്റലിജിന്സ് ബ്യൂറോ ടീമും പരപ്പനങ്ങാടി എക്സ്സൈസ് റൈഞ്ചും സംയുക്തമായി നടത്തിയ പരിശോധനയിലാണ് ഇവരെ പിടികൂടിയത്.
ചേലേമ്പ്ര സ്പിന്നിങ് മില് പരിസരത്തുവച്ചാണ് മോട്ടോര് സൈക്കിളില് വരികയായിരുന്ന കൊണ്ടോട്ടി താലൂക്കില് ചേലേമ്പ്ര വില്ലേജില് പുത്തലകത്ത് വീട്ടില് അബ്ദുള് ജബാര് മകന് സുഹൈല്, രമനാട്ടുകര പുളിഞ്ചോട് ദേശത്ത് തഹ്മീന് വീട്ടില് ബാബു മകന് നവീദ് എന്നിവരെ ലക്ഷങ്ങള് വിലമതിക്കുന്ന ആറ് ഗ്രാം എംഡിഎംഎ എന്ന മാരക ലഹരിമരുന്നുമായി എക്സ്സൈസ് അറസ്റ്റ് ചെയ്തത്. 150ഗ്രാമോളം കഞ്ചാവും ഇവരില് നിന്നും കണ്ടെടുത്തിട്ടുണ്ട്.
ദിവസങ്ങള്ക്കുമുമ്പ് കാലിക്കറ്റ് യൂണിവേഴ്സിറ്റിക്ക് സമീപം വച്ച് രണ്ടു യുവാക്കളെ എക്സ്സൈസ് മാരക മയക്കുമരുന്നുമായി അറസ്റ്റ് ചെയ്തിരുന്നു. യുവാക്കള്ക്കിടയില് മാരകമായ മയക്കുമരുന്നുകളുടെ ഉപയോഗം വലിയതോതില് വര്ധധിച്ചുവരുന്നതായി നിരന്തരം പരാതികള് വരുന്നതായി പരപ്പനങ്ങാടി എക്സ്സൈസ് ഇന്സ്പെക്ടര് സാബു ആര് ചന്ദ്ര പറഞ്ഞു. കൂടുതല് പേര് എക്സ്സൈസിന്റെ നീരീക്ഷണത്തിലാണ്.
റൈഞ്ച് ഇന്സ്പെക്ടര്, മലപ്പുറം എക്സ്സൈസ് ഐ ബി ഇന്സ്പെക്ടര് മുഹമ്മദ് ഷഫീഖ്, പ്രിവെന്റിവ് ഓഫിസര്മാരായ ഷിജുമോന്, സന്തോഷ്, പ്രജോഷ് കുമാര്, പ്രദീപ് കുമാര് സിവില് എക്സ്സൈസ് ഓഫിസര്മാരായ ശിഹാബ്ദീന്, നിതിന് ചോമാരി, ദിദിന്, വനിത സിവില് എക്സ്സൈസ് ഓഫിസര് സിന്ധു പട്ടേരിവീട്ടില് എന്നിവരാണ് പാര്ട്ടിയില് ഉണ്ടായിരുന്നത്.
RELATED STORIES
ഹാത്റസ് യുഎപിഎ കേസ്: റഊഫ് ശരീഫ് ജയില്മോചിതനായി
29 Sep 2023 3:07 PM GMTഇഡി അറസ്റ്റ് ചെയ്ത രണ്ട് പോപുലര് ഫ്രണ്ട് മുന് പ്രവര്ത്തകര്ക്കു...
27 Sep 2023 11:10 AM GMTജിഎസ്ടി കുടിശ്ശികയെന്ന്; ബിജെപി വിമത നേതാവിന്റെ 19 കോടിയുടെ...
26 Sep 2023 4:16 PM GMTപച്ച കുത്തിയെന്ന വ്യാജ പരാതി: കേരളത്തെ മുസ് ലിം തീവ്രവാദ കേന്ദ്രമാക്കി ...
26 Sep 2023 2:50 PM GMTസൈനികനെ മര്ദ്ദിച്ച് മുതുകില് 'പിഎഫ്ഐ' എന്ന് പച്ചകുത്തിയെന്ന സംഭവം...
26 Sep 2023 7:53 AM GMTമാധ്യമപ്രവര്ത്തകന് കെ പി സേതുനാഥ് ഉള്പ്പെടെ അഞ്ച്...
22 Sep 2023 12:08 PM GMT