ചൈനയിൽ അതിവ്യാപന ശേഷിയുള്ള രണ്ട് ഒമിക്രോണ് വകഭേദങ്ങള് കണ്ടെത്തി
രണ്ട് വകഭേദങ്ങളിലും പകര്ച്ചവ്യാധിക്കുള്ള സാധ്യത വളരെ കൂടുതലാണെന്നും ഇവയ്ക്ക് നേരത്തെ കൈവരിച്ച പ്രതിരോധശേഷിയെ എളുപ്പത്തില് മറികടക്കാന് കഴിയുന്നുണ്ടെന്നും ചൈനീസ് രോഗ പ്രതിരോധ നിയന്ത്രണ കേന്ദ്രത്തിന്റെ ഡെപ്യൂട്ടി ഡയറക്ടര് ലി ഷുജിയാന് പറഞ്ഞു.
ബീജിങ്ങ്:അതിവ്യാപന ശേഷിയുള്ള രണ്ട്ഒമിക്രോണ് വകഭേദങ്ങള് ചൈനയില് കണ്ടെത്തിയതായി റിപ്പോര്ട്ട്. BF.7 എന്നും BA.5.1.7 എന്നും പേര് നല്കിയിട്ടുള്ള രണ്ട് ഒമിക്രോണ് വകഭേദങ്ങളാണ് ഇപ്പോള് കണ്ടെത്തിയത്. ചൈനയിലെ നിരവധി പ്രവിശ്യകളില് ഈ രോഗാണുക്കളുടെ സാന്നിധ്യം റിപ്പോര്ട്ട് ചെയ്തിട്ടുണ്ട്. കൊവിഡിനെതിരെ ഇപ്പോഴും ലോക്ഡൗണ് അടക്കമുള്ള കര്ശനമായ (സീറോ കൊവിഡ്) നിയന്ത്രണങ്ങള് പിന്തുടരുന്ന അപൂര്വ്വം രാജ്യങ്ങളിലൊന്നാണ് ചൈന. നേരത്തെ കൈവരിച്ച പ്രതിരോധ ശേഷിയെ മറികടക്കാന് ശക്തിയുള്ളവയാണ് പുതിയ ഒമിക്രോണ് വൈറസുകള്.
ചൈനയിലെ ഗ്വാങ്ഡോംഗ് പ്രവിശ്യയിലെ ഷാവോഗാന് നഗരത്തില് BA.5.1.7 വകഭേദത്തിന്റെ നിരവധി കേസുകള് കണ്ടെത്തി. BF.7 വകഭേദം ഷാവോഗാന്, യാന്റായ് നഗരങ്ങളിലാണ് കണ്ടെത്തിയത്. രണ്ട് വകഭേദങ്ങളിലും പകര്ച്ചവ്യാധിക്കുള്ള സാധ്യത വളരെ കൂടുതലാണെന്നും ഇവയ്ക്ക് നേരത്തെ കൈവരിച്ച പ്രതിരോധശേഷിയെ എളുപ്പത്തില് മറികടക്കാന് കഴിയുന്നുണ്ടെന്നും ചൈനീസ് രോഗ പ്രതിരോധ നിയന്ത്രണ കേന്ദ്രത്തിന്റെ ഡെപ്യൂട്ടി ഡയറക്ടര് ലി ഷുജിയാന് പറഞ്ഞു. ഒമൈക്രോണിന്റെ BF.7 വകഭേദത്തിനെതിരെ ലോകാരോഗ്യ സംഘടന നേരത്തെ തന്നെ മുന്നറിയിപ്പ് നല്കിയിരുന്നു. ഇത് വ്യാപനശേഷി കൂടിയ പ്രധാന ഒമിക്രോണ് വകഭേദമായി മാറുമെന്നും റിപ്പോര്ട്ടുകളുണ്ടായിരുന്നു. രോഗവ്യാപനത്തെ തുടര്ന്ന് ചൈനയിലെ നിരവധി സ്കൂളുകളും വിനോദസഞ്ചാര കേന്ദ്രങ്ങളും അടച്ചു. 36 ചൈനീസ് നഗരങ്ങള് ലോക്ക്ഡൗണിലാണ്. ഇത് ഏകദേശം 196.9 ദശലക്ഷം ആളുകളെ നേരിട്ട് ബാധിച്ചതായി റിപ്പോര്ട്ടുകള് പറയുന്നു. കഴിഞ്ഞ് ആഴ്ച ഇത് 179.7 ദശലക്ഷമായിരുന്നെന്നും റിപ്പോര്ട്ടുകള് പറയുന്നു.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT