രണ്ട് കിലോഗ്രാം കഞ്ചാവുമായി രണ്ടുപേര്‍ പിടിയില്‍

മാന്നാര്‍: സ്‌കൂട്ടറില്‍ 2.39 കിലോഗ്രാം കഞ്ചാവ് കടത്തിയ രണ്ട് പേര്‍ പിടിയില്‍. മാന്നാര്‍ കുരട്ടിക്കാട് തുണ്ടിയില്‍ വീട്ടില്‍ ജയകുമാര്‍(38), കടപ്ര കല്ലൂരേത്ത് അരുണ്‍ മോന്‍(28) എന്നിവരാണ് അറസ്റ്റിലായത്. കുരട്ടിശ്ശേരി മില്‍മ യൂണിറ്റിന് സമീപത്ത് വച്ചാണ് ഇരുവരും പിടിയിലായത്. എക്‌സൈസ് സംഘത്തെ കണ്ട് പരുങ്ങിയ ഇവരെ പരിശോധിച്ചപ്പോള്‍ കഞ്ചാവ് കണ്ടെത്തുകയായിരുന്നു. അരുണ്‍ മോന്റെ പേരില്‍ ആന്ധ്രാ പ്രദേശിലും കഞ്ചാവ് കേസ് നിലവിലുണ്ട്.