അന്വേഷണം നടത്താതെ വീഴ്ച പറ്റിയിട്ടില്ലെന്ന് മന്ത്രിമാര്; മരംകൊള്ള സിബിഐ അന്വേഷിക്കണമെന്ന് പരിസ്ഥിതി സംഘടനകള്
കര്ഷകര്ക്ക് നിലവിലുള്ള നിയമങ്ങളും ചട്ടങ്ങളും അനുവദിക്കുന്ന രീതിയില് അവകാശപ്പെട്ട ഭൂമിയില് നിന്നുംമരം മുറിക്കാനുള്ള അവകാശം സുതാര്യമായി നല്കുന്ന നിയമഭേദഗതി കൊണ്ടുവരണം
തിരുവനന്തപുരം: സംസ്ഥാനത്ത് നടന്ന മരം കൊള്ള സിബിഐ അന്വേഷിക്കണമെന്ന് പരിസ്ഥിതി സംഘടനകള്. 50 സംഘടനകള് മുഖ്യമന്ത്രിക്ക് അയച്ച കത്തിലാണ് ഈ ആവശ്യം ഉന്നയിച്ചത്.
2020 മാര്ച്ചിലെ മരംമുറി അനുവദിച്ചുകൊണ്ടുള്ള റവന്യൂ വകുപ്പിന്റെ വിവാദ സര്ക്കുലറുംഅതേ വര്ഷം ഒക്ടോബറിലെ വിവാദ ഉത്തരവും നിയമവിരുദ്ധമാണ്. ഈ ഉത്തരവുകള് ഇറങ്ങിയ സാഹചര്യത്തെപ്പറ്റി അന്വേഷിക്കേണ്ടതില്ല എന്ന സര്ക്കാര് നിലപാട് നീതിന്യായ വ്യവസ്ഥയോടുള്ള വെല്ലുവിളിയാണ്. റവന്യൂ-വനം മന്ത്രിമാരും അവരുടെ ഓഫിസുകളിലെ ഉദ്യോഗസ്ഥരും സെക്രട്ടറിമാരടക്കം മരം മുറിക്ക് അനുവാദം കൊടുത്ത് നിയമവിരുദ്ധ ഉത്തരവുകള്ക്ക് പിന്നില് പ്രവര്ത്തിച്ചിട്ടുണ്ട്. ഫെബ്രുവരി രണ്ടിന് എല്ലാ വിവാദ ഉത്തരവുകളും റദ്ദാക്കിയ ഉത്തരവില് ഈ നിയമവിരുദ്ധതയുണ്ട്. എന്നാല് മരം മുറിക്ക് കാരണമായ ഉത്തരവുകളില് വീഴ്ച പറ്റിയിട്ടില്ലെന്ന് ഒരന്വേഷണവുമില്ലാതെ ആഭ്യന്തിരമന്ത്രി കൂടിയായ മുഖ്യമന്ത്രിയും, അന്നത്തെ റവന്യൂ മന്ത്രിയും, സിപിഐ സംസ്ഥാന സെക്രട്ടറി അടക്കം നിലപാട് എടുത്ത സ്ഥിതിക്ക് ഈ വിഷയത്തില് സര്ക്കാര് അന്വേഷണം മതിയാവില്ല.
അതുകൊണ്ട് മരം കൊള്ളയിലേക്ക് നയിച്ച കാരണങ്ങളും, സാഹചര്യങ്ങളും, അതില് ഇടപെട്ട മന്ത്രിമാരെയും ഉദ്യോഗസ്ഥരെയും പാര്ട്ടികളെയും അടക്കം അന്വേഷണവിധേയമാക്കേണ്ടതുണ്ട്. അതപോലെ, ഇത്തരം സര്ക്കാര് നടപടികള് ആദിവാസികളുടെയും കര്ഷകരുടെയും പേരിലാണ് നടക്കുന്നത് എന്നത് ദൗര്ഭാഗ്യകരമാണ്. ഈ മരം കൊള്ളയില് ഏറ്റവുമധികം കബളിപ്പിക്കപ്പെട്ടതും കുടുങ്ങിയതും ഇവര്തന്നെയാണ്.ഇനിയും ഇങ്ങനെ ഇവരുടെ പേരും പറഞ്ഞുള്ള മരംകൊള്ളക്ക് സര്ക്കാര് ഒത്താശ ചെയ്യുന്നത് അവസാനിപ്പിക്കണമെന്നും പരിസ്ഥിതി സംഘടനകള് അഭ്യര്ത്ഥിച്ചു.
കര്ഷകര്ക്ക് നിലവിലുള്ള നിയമങ്ങളും ചട്ടങ്ങളും അനുവദിക്കുന്ന രീതിയില് അവകാശപ്പെട്ട ഭൂമിയില് നിന്നുംമരം മുറിക്കാനുള്ള അവകാശം സുതാര്യമായി നല്കുന്ന നിയമഭേദഗതി കൊണ്ടുവരണമെന്നും സംഘടനകള് ആവശ്യപ്പെട്ടു.
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT