വിദഗ്ധ ചികില്‍സയ്ക്കായി ഉമ്മന്‍ചാണ്ടി ജര്‍മനിയിലേക്ക് പുറപ്പെട്ടു

തിരുവനന്തപുരം: മുന്‍ മുഖ്യമന്ത്രി ഉമ്മന്‍ചാണ്ടി വിദഗ്ധ ചികില്‍സയ്ക്കായി ജര്‍മനിയിലേക്ക് പുറപ്പെട്ടു. തിരുവനന്തപുരത്തുനിന്ന് ശനിയാഴ്ച പുലര്‍ച്ചെ 3.30ന് പുറപ്പെട്ട ഖത്തര്‍ വഴിയുള്ള വിമാനത്തിലാണ് യാത്ര. ബര്‍ലിനിലെ ചാരിറ്റി ആശുപത്രിയിലാണ് ചികില്‍സ.

ജര്‍മനിയിലെ തന്നെ ഏറ്റവും വലിയ ആശുപത്രികളില്‍ ഒന്നാണിത്. ബുധനാഴ്ച ഡോക്ടര്‍മാര്‍ പരിശോധിച്ച ശേഷം തുടര്‍ചികില്‍സ തീരുമാനിക്കും. മക്കളായ മറിയവും ചാണ്ടി ഉമ്മനും ബെന്നി ബഹന്നാന്‍ എംപിയും ഉമ്മന്‍ചാണ്ടിയെ അനുഗമിക്കുന്നുണ്ട്. ചികില്‍സയ്ക്കുശേഷം ഈ മാസം 17ന് അദ്ദേഹം തിരുവനന്തപുരത്ത് മടങ്ങിയെത്തും.