പേവിഷബാധ നിയന്ത്രിക്കാന് സര്ക്കാര്; മൂന്ന് വകുപ്പുകള് ചേര്ന്ന് പ്രത്യേക കര്മ്മ പദ്ധതി
ആരോഗ്യ, തദ്ദേശസ്വയംഭരണ, മൃഗസംരക്ഷണ വകുപ്പ് മന്ത്രിമാരുടെ നേതൃത്വത്തില് ഉന്നതതല യോഗം ചേര്ന്നു
തിരുവനന്തപുരം: നായകളുടേയും പൂച്ചകളുടേയും കടി വര്ധിച്ച സാഹചര്യത്തില് മന്ത്രി എംവി ഗോവിന്ദന് മാസ്റ്റര്, മന്ത്രി വീണാ ജോര്ജ്, മന്ത്രി ജെ. ചിഞ്ചു റാണി എന്നിവരുടെ നേതൃത്വത്തില് ഉന്നതതല യോഗം ചേര്ന്നു.
പേവിഷബാധ നിയന്ത്രിക്കാന് മൂന്ന് വകുപ്പുകളും ചേര്ന്ന് കര്മ്മ പദ്ധതി ആവിഷ്ക്കരിച്ച് നടപ്പിലാക്കാന് യോഗം തീരുമാനിച്ചു. തെരുവ് നായകളുടെ വന്ധ്യംകരണം വ്യാപകമായി നടപ്പാക്കും. ഇതോടൊപ്പം വാക്സിനേഷനും നടത്തും. വളത്തുനായകളുടെ വാക്സിനേഷനും ലൈസന്സും നിര്ബന്ധമായും നടപ്പിലാക്കുന്നു എന്നുറപ്പാക്കും. ഓരോ ബ്ലോക്കിലും ഓരോ വന്ധ്യംകരണ സെന്ററുകള് സ്ഥാപിക്കും.
പല ജില്ലകളിലും നായകളുടെ കടി മൂന്നിരട്ടിയോളം വര്ധിച്ചിട്ടുണ്ട്. വാക്സിനെടുക്കുന്നതിന് വിമുഖത പാടില്ല. പേവിഷബാധ മൂലമുള്ള മരണം ഒഴിവാക്കാന് ഒരുമിച്ച് പ്രവര്ത്തിക്കേണ്ടതാണ്. ഇതിന് പൊതുജനങ്ങളുടെ പങ്കാളിത്തവും അവബോധവും വളരെ പ്രധാനമാണ്. ശക്തമായ ബോധവത്ക്കരണം നടത്തും. മുഖത്തും കൈകളിലും കടിയേല്ക്കുന്നത് പെട്ടന്ന് പേവിഷബാധയേല്ക്കാന് കാരണമാകുന്നു. അതാണ് പലപ്പോഴും മരണത്തിലേക്ക് നയിക്കുന്നത്. എല്ലാ പ്രധാന ആശുപത്രികളിലും വാക്സിന് ഉറപ്പ് വരുത്തും.
വിവിധ വകുപ്പുകളുടെ ഏകോപനത്തോടെ യോഗം വിളിച്ചു ചേര്ത്ത് പരമാവധി നായകള്ക്ക് മൃഗ സംരക്ഷണ വകുപ്പ് വാക്സിന് എടുക്കും. പേവിഷബാധ നിയന്ത്രിക്കാന് വിവിധ വകുപ്പുകള് ഏകോപിച്ച് പ്രവര്ത്തിക്കാനും തീരുമാനിച്ചു.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT