താനൂര്‍ സ്വദേശി ജിസാനില്‍ ഹൃദയാഘാതം മൂലം മരിച്ചു

താനൂര്‍: സൗദി ജിസാന്‍ സബിയയില്‍ ജോലി ചെയ്തിരുന്ന താനൂര്‍ പനങ്ങാട്ടൂര്‍ സ്വദേശി വെള്ളയില്‍ അലി (46) ഹൃദയാഘാതം മൂലം മരിച്ചു. സബിയയിലെ ബൂഫിയയില്‍ ജോലി ചെയ്ത് കൊണ്ടിരിക്കെ ഞായറാഴ്ച രാവിലെ കുഴഞ്ഞുവീഴുകയും സബിയ ജനറല്‍ ഹോസ്പിറ്റലില്‍ വെച്ച് ഇന്ന് രാവിലെ മരിക്കുകയുമായിരുന്നു. മൃതദേഹം സൗദിയില്‍ മറവ് ചെയ്യുന്നതുമായി ബന്ധപ്പെട്ട നടപടിക്രമങ്ങള്‍ക്ക് ജിസാന്‍ കെഎംസിസി വെല്‍ഫെയര്‍ വിംഗിന്റെ നേതൃത്വത്തില്‍ സെന്‍ട്രല്‍ കമ്മിറ്റി പ്രസിഡണ്ട് സംശു പൂക്കോട്ടൂര്‍, സബിയ കെഎംസിസി ആക്ടിംഗ് പ്രസിഡണ്ട് സാലിം നെച്ചിയില്‍, ആരിഫ് ഒതുക്കുങ്ങല്‍, ബഷീര്‍ ഫറോക്ക്, കരീം മുസ്‌ലിയാരങ്ങാടി തുടങ്ങിയവര്‍ രംഗത്തുണ്ട്.