കൊല്ലത്ത് മൂന്നുവയസ്സുകാരന്‍ കിണറ്റില്‍ വീണ് മരിച്ചു

കൊല്ലം: കൊട്ടാരക്കരയില്‍ മൂന്നുവയസുകാരന്‍ മരിച്ചു. വിലങ്ങറ സ്വദേശികളായ ബൈജു ധന്യ ദമ്പതികളുടെ മകന്‍ ദിലിനാണ് മരിച്ചത്.

കളിക്കുന്നതിനിടെ വീട്ടുമുറ്റത്തെ കിണറ്റില്‍ വീഴുകയായിരുന്നു. വിവരം ലഭിച്ച ഉടന്‍ ഫയര്‍ഫോഴ്‌സ് എത്തി കുഞ്ഞിനെ പുറത്തെടുത്തു. എന്നാല്‍ ജീവന്‍ രക്ഷിക്കാനായില്ല. മൃതദേഹം കൊട്ടാരക്കര താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്.