25 കിലോ കഞ്ചാവുമായി മൂന്ന് പേര്‍ പിടിയില്‍

മണ്ണാര്‍ക്കാട്: 25 കിലോ കഞ്ചാവുമായി മലപ്പുറം സ്വദേശികളായ മൂന്ന് പേരെ മണ്ണാര്‍ക്കാട് പിടികൂടി. എക്‌സൈസ് എന്‍ഫോഴ്‌സ്‌മെന്റ് സ്‌ക്വാഡ് പാലക്കാട് കോഴിക്കോട് ദേശീയപാതയില്‍ വിയ്യക്കുറുശ്ശിയില്‍ വെച്ചാണ് കാറില്‍ കടത്തുകയായിരുന്ന കഞ്ചാവ് പിടികൂടിയത്.

മലപ്പുറം കാളികാവ് സ്വദേശികളായ റിനീഷ് (29), ഫര്‍ഷാദ് (28), ഫെബിന്‍ (30) എന്നിവരാണ് പിടിയിലായത്. ആന്ധ്രയില്‍നിന്ന് കാളികാവിലേക്ക് കൊണ്ടുവന്നതാണ് കഞ്ചാവ്. കാറിന്റെ ഗിയര്‍ ബോക്‌സിനടിയിലെ രഹസ്യ അറയിലും സ്‌റ്റെപ്പിനി ടയറിനുള്ളിലും ബോണറ്റിനുള്ളിലുമാണ് കഞ്ചാവ് ഒളിപ്പിച്ചിരുന്നത്.