ജോലി ചെയ്ത സ്ഥാപനത്തില് നിന്നു മോഷണം; പശ്ചിമ ബംഗാള് സ്വദേശി പിടിയില്
കൊച്ചി: ജോലി ചെയ്തിരുന്ന സ്ഥാപനത്തില് നിന്നു പണം മോഷ്ടിച്ചെന്നാരോപിച്ച് പശ്ചിമ ബംഗാള് സ്വദേശിയെ പിടികൂടി. ചേരാനല്ലൂര് മേഖലയിലെ സ്വാകര്യ സ്ഥാപനത്തില് നിന്നും ഒന്നേകാല് ലക്ഷത്തോളം രൂപ മോഷ്ടിച്ച കേസിലാണ് പശ്ചിമ ബംഗാള് സ്വദേശി ശുഭം ലാമ(27)യെ പോലിസ് പിടികൂടിയത്. ജനുവരി 24 നു പുലര്ച്ചെയാണ് കേസിനാസ്പദമായ സംഭവം. കമ്പനിയിലെ ഷട്ടറിന്റെയും പണം സൂക്ഷിച്ചിരുന്ന ഷെല്ഫിന്റെയും താക്കോലുകള് കൈക്കലാക്കിയ പ്രതി മോഷണം നടത്തിയശേഷം കേരളത്തില് നിന്നും മുങ്ങുകയായിരുന്നു. കൊച്ചി സിറ്റി സൈബര് സെല്ലിന്റെ സഹായത്തോടെ പ്രതിയുടെ നീക്കങ്ങള് നിരീക്ഷിച്ച പോലിസ് ബാംഗ്ലൂരില് നിന്നാണ് പിടികൂടിയത്. കൊച്ചി സിറ്റി പോലിസ് കമ്മീഷണര് സി എച്ച് നാഗരാജുവിന്റെ നിര്ദേശപ്രകാരം ചേരാനല്ലൂര് പോലിസ് ഇന്സ്പെക്ടര് വി കെ വിജയരാഘവന്, സബ് ഇന്സ്പെക്ടര് കെ എം സന്തോഷ് മോന് എന്നിവരുടെ നേതൃത്വത്തില് രൂപീകരിച്ച പ്രത്യേക അന്വേഷണസംഘമാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
RELATED STORIES
കോണ്ഗ്രസ് വക്താവ് ഷമ മുഹമ്മദിനെതിരെ കേസ്
18 April 2024 6:50 AM GMTവടകര: തോല്വി ഉറപ്പായതോടെ യുഡിഎഫ് മാഫിയയെപ്പോലെ...
16 April 2024 12:51 PM GMTഖസബില് സ്പീഡ് ബോട്ട് അപകടത്തില് കോഴിക്കോട് സ്വദേശികളായ രണ്ടു...
14 April 2024 7:06 AM GMTകുടിവെള്ള വിതരണം; തിരഞ്ഞെടുപ്പ് കമ്മീഷന് ഇടപെടണം: എസ്ഡിപിഐ
13 April 2024 2:05 PM GMTമാധ്യമപ്രവര്ത്തകന് ബിമല് റോയ് അന്തരിച്ചു
12 April 2024 9:31 AM GMTവെള്ളമുണ്ട മാവോവാദി കേസ്: നാലു പ്രതികള്ക്കും തടവ്, രൂപേഷിന് 10 വര്ഷം
12 April 2024 9:24 AM GMT