അരീക്കോട് ബ്ലോക്ക് പഞ്ചായത്തില്‍ 'ഉന്നതി 'പദ്ധതിക്ക് തുടക്കമായി

അരീക്കോട്: കോവിഡ്മുക്തി നേടിയിട്ടും വിവിധ ശാരീരിക വെല്ലുവിളികള്‍ അനുഭവിക്കുന്നവര്‍ക്ക് അരീക്കോട് ബ്ലോക്ക് പഞ്ചായത്തും കേരള അസോസിയേഷന്‍ ഫോര്‍ ഫിസിയോ തെറാപ്പിസ്റ്റ് കോ ഓര്‍ഡിനേഷനും (KAPC) സഹകരിച്ച് ഓണ്‍ലൈനായി നടപ്പിലാക്കുന്ന ' ഉന്നതി' പദ്ധതിക്ക് തുടക്കമായി. അരീക്കോട് ബ്ലോക്കില്‍ വെച്ചു നടന്ന ചടങ്ങില്‍ ബ്ലോക്ക് വൈസ് പ്രസിഡണ്ട് ഗഫൂര്‍ ഹാജി അധ്യക്ഷത വഹിച്ചു. പ്രസിഡണ്ട് റുഖിയ ഷംസു ഉദ്ഘാടനം നിര്‍വ്വഹിച്ചു. ബ്ലോക്ക് അംഗങ്ങളായ ഹരിദാസ് പുല്‍പ്പറ്റ ( ആരോഗ്യം), സി.അബ്ദുറഹിമാന്‍, മുജീബ് റഹിമാന്‍. ഇ.പി, ഉമ്മുസല്‍മ, ജമീല , കെഎപിസി എക്‌സികുട്ടീവ് മെംബര്‍ ദിലീപ്, കെഎപിസി അംഗങ്ങളായ നബീല്‍, അഖില, ഷഫീഖ്, ശരണ്യ എന്നിവര്‍ പങ്കെടുത്തു. വിളിക്കേണ്ട നമ്പര്‍. 9746770744 , 8129021135. സമയം രാവിലെ 9 മുതല്‍ വൈകുന്നേരം 6 മണി വരെ