യുഡിഎഫ് മലപ്പുറം ജനതയെ വഞ്ചിക്കുന്നുവെന്ന് ഡോ. തസ്ലിം റഹ്മാനി
മഞ്ചേരി: ഫാഷിസ്റ്റുകളെ നേരിടാന് മലപ്പുറം ജനത തിരഞ്ഞെടുത്ത പ്രതിനിധി പാതിവഴിയില് യുദ്ധം ഉപേക്ഷിച്ച് തിരിച്ചുപോന്നത് യുഡിഎഫ് മലപ്പുറം ജനതയെ വഞ്ചിച്ചതിന്റെ മികച്ച ഉദാഹരണമാണെന്ന് മലപ്പുറം ലോക്സഭാ മണ്ഡലം എസ്ഡിപിഐ സ്ഥാനാര്ഥി ഡോ തസ്ലിം റഹ്മാനി പറഞ്ഞു. മഞ്ചേരി മണ്ഡലത്തില് തിരഞ്ഞെടുപ്പ് പ്രചരണ യോഗങ്ങളില് സംസാരിക്കുകയായിരുന്നു അദ്ദേഹം. ഈ ഉപതിരഞ്ഞെടുപ്പ് അടിച്ചേല്പ്പിക്കപ്പെട്ടതാണ്. അധികാരത്തിനു വേണ്ടി രാജിവെക്കുന്നത് മുസ്ലിം ലീഗ് പതിവാക്കിയിരിക്കുകയാണ്. മുസ്ലിം ലീഗ് നേതാക്കളായിരുന്ന ഖാഇദെ മില്ലത്തിന്റെയും സേട്ടുവിന്റെയും ബനാത്ത് വാലയുടെയും പ്രവര്ത്തനപഥത്തില് നിന്നും മാറി അധികാര രാഷ്ട്രീയത്തിന്റെ വാമോഹങ്ങളിലാണ് പാര്ട്ടി ഇപ്പോള്. ഇത് മലപ്പുറം ജനതയോടുള്ള വെല്ലുവിളിയാണ്. ഈ ലോക്സഭാ ഉപതിരഞ്ഞെടുപ്പിലൂടെ മലപ്പുറത്തെ ജനങ്ങള് തങ്ങളുടെ ആത്മാഭിമാനത്തെ വെല്ലുവിളിക്കുകയും മുറിപ്പെടുത്തുകയും ചെയ്ത മുസ്ലിം ലീഗിനോട് കണക്ക് തീര്ക്കുമെന്നും അദ്ദേഹം പറഞ്ഞു.
രാവിലെ കുത്തകല്ലില് നിന്നാണ് പ്രചരണം ആരംഭിച്ചത്. ചെരണി, മംഗലശ്ശേരി, കൂമന്കുളം, മഞ്ഞപ്പറ്റ, എളങ്കൂര്, ചോലക്കല്, കാര്യവട്ടം, മണ്ണാര്മല, കമാനം, ആക്കപ്പറമ്പ്, ഉറവംപുറം എന്നിവിടങ്ങള് പിന്നിട്ട് പാണ്ടിക്കാട് പൊതുയോഗത്തോടെ സമാപിച്ചു.
പ്രചാരണ പ്രവര്ത്തനങ്ങളില് എസ്ഡിപിഐ സംസ്ഥാന സമിതി അംഗം അഡ്വ എ എ റഹീം, ജില്ലാ സെക്രട്ടറി പി ഹംസ, മഞ്ചേരി മുന്സിപ്പല് കൗണ്സിലര് മുജീബ്, ഹമീദ് പരപ്പനങ്ങാടി, ലത്തീഫ് എടക്കര, എസ്ഡിപിഐ മഞ്ചേരി മണ്ഡലം നേതാക്കളായ ലത്തീഫ് വല്ലാഞ്ചിറ, സി അക്ബര്, തറമ്മല് അബ്ദുറഹിമാന്, മഞ്ഞപ്പുള്ളി അഷറഫ് എന്നിവര് നേതൃത്വം നല്കി.
RELATED STORIES
രാജീവ് ചന്ദ്രശേഖറിന്റെ നാമനിര്ദേശ പത്രിക തള്ളണമെന്ന ഹരജി തള്ളി...
23 April 2024 6:47 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMTതായ്വാനില് ഒറ്റരാത്രിയില് 80ലേറെ ഭൂചലനങ്ങള്
23 April 2024 5:28 AM GMTആഘോഷങ്ങളെ ആര്എസ്എസ് വല്ക്കരിക്കുന്നത് ആപല്ക്കരം: തുളസീധരന്...
22 April 2024 5:02 PM GMT