ഒളവണ്ണയില്‍ എസ്ഡിപിഐ വളണ്ടിയര്‍ സേനക്ക് രൂപം നല്‍കി

ഒളവണ്ണ: കാലവര്‍ഷക്കെടുതിയില്‍ ജനങ്ങള്‍ക്ക് പ്രതീക്ഷയായ് എസ്ഡിപിഐ ഒളവണ്ണ പഞ്ചായത്ത് കമ്മിറ്റി ദുരന്തനിവാരണ സേനക്ക് രൂപം നല്‍കി. കഴിഞ്ഞ 2 വര്‍ഷങ്ങളില്‍ തുടര്‍ച്ചയായ് ഉണ്ടായ പ്രളയത്തില്‍ ദുരന്ത നിവാരണത്തിലും രക്ഷാപ്രവര്‍ത്തനത്തിലും കേരളത്തില്‍ ഏറ്റവും മുന്‍പന്തിയിലുണ്ടായിരുന്നത് എസ്ഡിപിഐ റെസ്‌ക്യൂ വളണ്ടിയര്‍ ടീം അംഗങ്ങളായിരുന്നു. ഇത്തവണ കാലവര്‍ഷം കനക്കുമെന്നും ജനങ്ങള്‍ ജാഗ്രത പാലിക്കണമെന്നുമുള്ള സര്‍ക്കാര്‍ മുന്നറിയിപ്പിനെ തുടര്‍ന്ന് എസ്ഡിപിഐ കേരളത്തിലുടനീളം നടത്തുന്ന മുന്നൊരുക്കത്തിന്റെ ഭാഗമായാണ് ഒളവണ്ണ പഞ്ചായത്ത് കമ്മിറ്റി വളണ്ടിയര്‍ സേനയ്ക്കു രൂപം കൊടുത്തത്. വളണ്ടിയര്‍ ടീം പ്രഖ്യാപനം എസ്ഡിപിഐ സംസ്ഥാന സെക്രട്ടറി മുസ്തഫ കൊമ്മേരി നിര്‍വ്വഹിച്ചു. പോപുലര്‍ ഫ്രണ്ട് ഒളവണ്ണ ഏരിയ പ്രസിഡന്റ് ഹനീഫ പാലാഴി, എസ്ഡിപിഐ പഞ്ചായത്ത് പ്രസിഡണ്ട് റഫീഖ് കള്ളിക്കുന്ന് സംസാരിച്ചു.