അങ്ങാടിപ്പുറത്തു നിന്നും കാണാതായ ആളെ മരിച്ച നിലയില്‍ കണ്ടെത്തി.

പെരിന്തല്‍മണ്ണ: കഴിഞ്ഞ 27നു അങ്ങാടിപ്പുറത്ത് നിന്നും കാണാതായ മധ്യവയസ്‌കനെ തൂങ്ങിമരിച്ച നിലയില്‍ കണ്ടെത്തി. പെരിന്തല്‍മണ്ണ അങ്ങാടിപ്പുറം ശാരദാലയത്തില്‍ 57കാരനായ രമേഷിനെയാണ് പടിഞ്ഞാറങ്ങാടി പറക്കുളത്ത് ഞായറാഴ്ച്ച ഉച്ചയോടെയാണ് തൂങ്ങിമരിച്ച നിലയില്‍ കണ്ടെത്തിയത്.

തൃത്താല, മങ്കട പോലിസ് സ്ഥലത്തെത്തി തുടര്‍ നടപടികള്‍ സ്വീകരിച്ചു. പറക്കുളത്ത് പൂട്ടികിടക്കുന്ന കമ്പനിയിലായിരുന്നു മൃതദേഹം കണ്ടെത്തിയത്. മരണപ്പെട്ട വ്യക്തി സഞ്ചരിച്ചിരുന്ന സ്‌കൂട്ടര്‍ കാണാതായിട്ടുണ്ടെന്ന് തൃത്താല പോലിസ് അറിയിച്ചു.