ഫാര്മസി കോളേജിനെ സംസ്ഥാന റിസര്ച്ച് ഇന്സ്റ്റിറ്റിയൂട്ടാക്കി മാറ്റുന്നു
തിരുവനന്തപുരം: സംസ്ഥാനത്തെ ഒരു ഫാര്മസി കോളേജിനെ സംസ്ഥാന റിസര്ച്ച് ഇന്സ്റ്റിറ്റിയൂട്ടാക്കി ഉയര്ത്തുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഔഷധ ഗവേഷണ രംഗത്ത് കേരളത്തിനുള്ളത് അനന്തമായ സാധ്യതകളാണ്. ഫാര്മസി മേഖലയില് ഗവേഷണം പ്രോത്സാഹിപ്പിക്കുന്നതിന് സര്ക്കാര് നടപടികള് സ്വീകരിക്കും. ഇതിന്റെ ഭാഗമായാണ് ഒരു ഫാര്മസി കോളേജിനെ റിസര്ച്ച് ഇന്സ്റ്റിറ്റിയൂട്ടാക്കി മാറ്റുന്നതെന്നും മന്ത്രി വ്യക്തമാക്കി. കേരള സ്റ്റേറ്റ് ഫാര്മസി കൗണ്സില് വജ്ര ജൂബിലി ആഘോഷം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.
പല രോഗങ്ങളും രാജ്യത്ത് ആദ്യമായി കണ്ടുപിടിക്കുന്നത് കേരളത്തിലാണ്. പുതിയ മരുന്നുകള് നിര്മ്മിക്കുന്നതിനുള്ള പദ്ധതി വ്യവസായ വകുപ്പുമായി ആലോചിച്ചു വരുന്നു. കേരളത്തെ സംബന്ധിച്ച് ഔഷധ ഗവേഷണ മേഖലയില് വലിയ പ്രാധാന്യമുണ്ട്. ഫാര്മസി മേഖലയില് ഗവേഷണത്തില് ഊന്നിയുള്ള വിദ്യാഭ്യാസം വളരെ പ്രധാനപ്പെട്ടതാണ്. ഡോക്ടര്മാര് എഴുതുന്ന മരുന്നിനോടൊപ്പം തന്നെ പ്രധാനമാണ് ശരിയായ രീതിയിലുള്ള മരുന്നുകളുടെ ഉപയോഗവും. ഔപചാരികമായി ഫാര്മസി വിദ്യാഭ്യാസം നേടിയ കൂടുതല് ഫാര്മസിസ്റ്റുകളുടെ സേവനം ആശുപത്രികളിലും ആരോഗ്യ മേഖലകളിലും ലഭ്യമാക്കുന്നത് ആലോചിക്കും.
പരിശോധന നടത്തി ഗുണനിലവാരമുള്ള മരുന്നുകള് സംസ്ഥാനത്ത് ഉറപ്പുവരുത്തണമെന്ന് ഡ്രഗ്സ് കണ്ട്രോളര്ക്ക് നേരത്തെ തന്നെ നിര്ദേശം നല്കിയിരുന്നു. കൂടുതല് പരിശോധനകള് നടത്താനും നിര്ദ്ദേശം നല്കിയിട്ടുണ്ട്. പൊതുജനങ്ങളും മരുന്നുകള് ഉപയോഗിക്കുന്നതില് ശ്രദ്ധ പുലര്ത്തണം. ആന്റിബയോട്ടിക്കുകളുടെ അനാവശ്യ ഉപയോഗം തടയണം. ആന്റി മൈക്രോബിയല് റെസിസ്റ്റന്സിന് സര്ക്കാര് വളരെ പ്രാധാന്യം നല്കുന്നു. രോഗികളുടെ എണ്ണം കൂടുന്നത് മുന്നില്കണ്ട് മരുന്നുകളുടെ ഇന്ഡന്റ് കൃത്യമായി നല്കണമെന്ന് എല്ലാ ആശുപത്രികള്ക്കും നിര്ദ്ദേശം നല്കിയിട്ടുണ്ട്.
ആഗോളതലത്തില് ആരോഗ്യ മേഖല പുതിയ പുതിയ വെല്ലുവിളികള് നേരിടുകയാണ്. കൂട്ടായ പരിശ്രമത്തിലൂടെ കോവിഡിനെ അതിജീവിച്ചു വരികയാണ്. കോവിഡിന്റെ പുതിയ വകഭേദങ്ങള് ലോകത്തിന്റെ പല ഭാഗങ്ങളിലും റിപ്പോര്ട്ട് ചെയ്യുന്നുണ്ട്. അതിനാല് ശ്രദ്ധ തുടരണം. ലോകത്തിനു മുന്നില് കേരളത്തിന്റെ ആരോഗ്യ മേഖല ബ്രാന്ഡഡാണ്. ആരോഗ്യ മേഖലയില് ദീര്ഘവീക്ഷണത്തോടെ ഒരുമിച്ച് പ്രവര്ത്തിക്കാമെന്നും മന്ത്രി പറഞ്ഞു.
മുന് ആരോഗ്യ വകുപ്പ് മന്ത്രി പി.കെ. ശ്രീമതി ടീച്ചര് അധ്യക്ഷത വഹിച്ചു. കെ.എസ്.പി.സി പ്രസിഡന്റ് ഒ.സി. നവീന് ചന്ദ്, ഡ്രഗ്സ് കണ്ട്രോളര് പി.എം. ജയന്, ചീഫ് ഗവ. അനലിസ്റ്റ് ടി. സുധ, വിവിധ സംഘടനാ പ്രതിനിധികള് തുടങ്ങിയവര് പങ്കെടുത്തു.
RELATED STORIES
ഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTപോലിസ് സ്റ്റേഷനുമുന്നില് പെട്രോളൊഴിച്ച് തീകൊളുത്തിയ യുവാവ് മരിച്ചു
28 March 2024 12:44 PM GMTദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച മണിപ്പൂര് ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMT