ഛത്തിസ്ഗഢില്‍ പത്തുവയസ്സുകാരന്‍ കുഴല്‍ക്കിണറില്‍ വീണു; രക്ഷാദൗത്യം തുടരുന്നു

ജഞ്ജഗീര്‍-ചമ്പ: ഛത്തിസ്ഗഢിലെ ജഞ്ജഗീര്‍ചമ്പ ഗ്രാമത്തില്‍ വെള്ളിയാഴ്ച വൈകീട്ട് പത്ത് വയസ്സുകാരന്‍ കുഴല്‍ക്കിണറില്‍ വീണു. രക്ഷാപ്രവര്‍ത്തനം വെളളിയാഴ്ച വൈകീട്ട് ആരംഭിച്ചു.

രാഹുല്‍ സാഹു എന്ന കുട്ടിയാണ് 50 അടി താഴ്ചയുള്ള കുഴല്‍ക്കിണറിലേക്ക് വീണത്. സ്വന്തം വീടിനു പുറകിലുള്ള കുഴല്‍ക്കിണറിലേക്ക് വീഴുകയായിരുന്നു.

:'ഇന്നലെ വൈകുന്നേരം മുതല്‍ രക്ഷാപ്രവര്‍ത്തനം നടക്കുന്നുണ്ട്. വിവരമനുസരിച്ച് രാഹുലിനടുത്തെത്താന്‍ 56 മണിക്കൂര്‍ എടുക്കും. വാഴപ്പഴവും ജ്യൂസും കുട്ടിക്ക് എത്തിച്ചുനല്‍കി. വീട്ടുകാരും കുട്ടിയോട് സംസാരിക്കുന്നുണ്ട്. അവന്റെ ക്ഷേമത്തിനായി ഞങ്ങള്‍ എല്ലാവരും പ്രാര്‍ത്ഥിക്കുന്നു''- മുഖ്യമന്ത്രി ഭൂപേഷ് ഭൂപേഷ് ബാഗേല്‍ ട്വീറ്റ് ചെയ്തു.

ദേശീയ ദുരന്തനിവാരണ സേനയും സംസ്ഥാന ദുരന്തനിവാരണ സേനയും ദൗത്യസംഘത്തെ അയച്ചിട്ടുണ്ട്. ജെസിബി ഉപയോഗിച്ച് മണ്ണ് നീക്കിയാണ് രക്ഷാപ്രവര്‍ത്തനം നടത്തുന്നത്.

ജില്ലാ കലക്ടറും ജില്ലാ പോലിസ് സൂപ്രണ്ടും സംഭവസ്ഥലത്തുണ്ട്.