താപനില ഉയരുന്നു; സംസ്ഥാനത്ത് വിവിധ ജില്ലകളില് യെല്ലോ അലേര്ട്ട്
തിരുവനന്തപുരം: സംസ്ഥാനത്ത് വീണ്ടും ഉയര്ന്ന താപനില അനുഭവപ്പെടാന് സാധ്യതയുള്ളതായി കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. ഇതിന്റെ പശ്ചാത്തലത്തില് വിവിധ ജില്ലകളില് യെല്ലോ അലേര്ട്ട് പ്രഖ്യാപിച്ചു.
ഇന്ന് കണ്ണൂര്, കാസര്ഗോഡ് ജില്ലകളില് പരമാവധി താപനില 37 ഡിഗ്രി സെല്ഷ്യസ് വരെ ഉയരാന് സാധ്യതയുണ്ട്. തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, പാലക്കാട് ജില്ലകളില് താപനില 36 ഡിഗ്രി സെല്ഷ്യസ് വരെ ഉയരാനാണ് സാധ്യതയെന്ന് കാലാവസ്ഥാ വകുപ്പ് അറിയിച്ചു. ഉയര്ന്ന താപനിലയ്ക്കൊപ്പം വായുവിലെ ഈര്പ്പവും കൂടുന്നതിനാല്, മലയോര മേഖലകള് ഒഴികെയുള്ള പ്രദേശങ്ങളില് ചൂടും അസ്വസ്ഥതയും അനുഭവപ്പെടാന് സാധ്യതയുണ്ടെന്നും അധികൃതര് മുന്നറിയിപ്പ് നല്കി.
ജാഗ്രതാ നിര്ദേശങ്ങള്:
സാധാരണയായി പകല് പത്തു മുതല് ഏഴു വരെയുള്ള സമയങ്ങളിലാണ് അള്ട്രാവയലറ്റ് സൂചിക ഉയരുന്നത്. അതിനാല് ഈ സമയങ്ങളില് നേരിട്ട് സൂര്യപ്രകാശം ശരീരത്തില് ഏല്ക്കുന്നത് പരമാവധി ഒഴിവാക്കണം. പുറം ജോലികളില് ഏര്പ്പെടുന്നവര്, മല്സ്യത്തൊഴിലാളികള്, ജലഗതാഗത മേഖലയിലുള്ളവര്, ബൈക്ക് യാത്രക്കാര്, വിനോദസഞ്ചാരികള്, ചര്മ്മരോഗങ്ങളോ നേത്രരോഗങ്ങളോ ഉള്ളവര്, ക്യാന്സര് രോഗികള്, പ്രതിരോധശേഷി കുറഞ്ഞവര് എന്നിവര് പ്രത്യേകം ജാഗ്രത പാലിക്കണം.
പുറത്തേക്ക് പോകുമ്പോള് തൊപ്പി, കുട, സണ്ഗ്ലാസ് എന്നിവ ഉപയോഗിക്കുകയും ശരീരം മുഴുവന് മറയ്ക്കുന്ന കോട്ടണ് വസ്ത്രങ്ങള് ധരിക്കുകയും ചെയ്യുന്നത് ഉചിതമാണ്. യാത്രകളില് ഇടവേളകളില് തണലില് വിശ്രമിക്കാന് ശ്രമിക്കണം.
മലനിരകളിലും ഉഷ്ണമേഖല പ്രദേശങ്ങളിലുമാണ് പൊതുവെ യുവി സൂചിക ഉയരുന്നത്. അതിനാല് ഇത്തരം പ്രദേശങ്ങളില് താമസിക്കുന്നവര് കൂടുതല് ശ്രദ്ധ പാലിക്കണമെന്നും അധികൃതര് അറിയിച്ചു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
