കെഎസ്ആര്‍ടിസി ബസ്സില്‍ നിന്ന് തെറിച്ചുവീണ് വിദ്യാര്‍ഥിനിക്ക് ഗുരുതര പരിക്ക്

കൊച്ചി: കെഎസ്ആര്‍ടിസി ബസ്സില്‍ നിന്ന് തെറിച്ചുവീണ് വിദ്യാര്‍ഥിനിക്ക് ഗുരുതരമായി പരിക്കേറ്റു. ആലുവ- പെരുമ്പാവൂര്‍ റൂട്ടിലെ പെരിയാര്‍ ജങ്ഷനിലാണ് സംഭവം. ഒക്കല്‍ എസ്എന്‍എച്ച്എസിലെ പ്ലസ്‌വണ്‍ വിദ്യാര്‍ഥി ഫാത്തിമയ്ക്കാണ് പരിക്കേറ്റത്. തലയ്ക്ക് ഗുരുതരമായി പരിക്കേറ്റ കുട്ടിയെ ആലുവയിലെ സ്വകാര്യാശുപത്രിയില്‍ പ്രവേശിപ്പിച്ചു.