Latest News

വൈക്കത്ത് തെരുവ് നായയുടെ ആക്രമണം; നാലുപേര്‍ക്ക് പരിക്ക്

വൈക്കത്ത് തെരുവ് നായയുടെ ആക്രമണം; നാലുപേര്‍ക്ക് പരിക്ക്
X

കോട്ടയം: വൈക്കത്ത് പേവിഷബാധയുണ്ടെന്നു സംശയിക്കുന്ന തെരുവ് നായ നാലുപേരെ കടിച്ചു. കടിയേറ്റവരില്‍ ഒരാളുടെ നില ഗുരുതരമാണ്. പുരുഷന്‍ (75) എന്നയാള്‍ക്കാണ് ഗുരുതരമായി പരിക്കേറ്റത്. ഇയാളുടെ ദേഹമാസകലം നായയുടെ കടിയേറ്റിട്ടുണ്ടെന്നാണ് വിവരം. ആക്രമണത്തില്‍ പരിക്കേറ്റ മൂന്നുപേരും 60 വയസിന് മുകളിലുള്ളവരാണ്.

കടിയേറ്റ നാലുപേരെയും കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. യാതൊരു പ്രകോപനവും കൂടാതെയാണ് നായ ആക്രമിച്ചതെന്ന് നാട്ടുകാര്‍ പറഞ്ഞു. ഓടിവന്ന നായ ആളുകളെ കടിക്കുകയായിരുന്നു. ആക്രമിച്ച സ്ഥലത്തുതന്നെ നായ ചത്തുവീണു. പേവിഷബാധയുടെ ലക്ഷണങ്ങള്‍ കാണുന്നുണ്ടെന്നു പ്രദേശത്തെ മൃഗാശുപത്രി അധികൃതര്‍ നടത്തിയ പ്രാഥമിക പരിശോധനയില്‍ കണ്ടെത്തി. ചത്ത നായയുടെ പോസ്റ്റ്‌മോര്‍ട്ടം നടത്തും.

Next Story

RELATED STORIES

Share it