എസ്എസ്എല്‍സി മൂല്യനിര്‍ണയം: അപേക്ഷാ സമര്‍പ്പണം മാര്‍ച്ച് 17 വരെ പൂര്‍ത്തീകരിക്കാം

തിരുവനന്തപുരം: 2020 മാര്‍ച്ചില്‍ നടക്കുന്ന എസ്എസ്എല്‍സി പരീക്ഷയുടെ ഉത്തരക്കടലാസുകള്‍ മൂല്യനിര്‍ണയം ചെയ്യുന്നതിന് എച്ച്എസ്ടിമാരില്‍ നിന്നും അപേക്ഷകള്‍ ക്ഷണിച്ചു. പ്രഥമാധ്യാപകര്‍ക്ക് ഐഎക്‌സാംസില്‍ എച്ച്എം ലോഗിന്‍ വഴി അപേക്ഷകളുടെ വിവരങ്ങള്‍ ഓണ്‍ലൈനായി സമര്‍പ്പിച്ചശേഷം കണ്‍ഫോം ചെയ്ത് അപേക്ഷ സമര്‍പ്പണം പൂര്‍ത്തീകരിക്കേണ്ട അവസാന ദിവസം മാര്‍ച്ച് 17 വരെ ദീര്‍ഘിപ്പിച്ചു. തങ്ങളുടെ സ്‌കൂളുകളിലെ യോഗ്യരായ എല്ലാ അധ്യാപകരും മൂല്യനിര്‍ണയത്തിനായി അപേക്ഷ സമര്‍പ്പിച്ചിട്ടുണ്ടെന്ന വിവരം പ്രഥമാധ്യാപകന്‍ ഉറപ്പുവരുത്തണമെന്ന് പരീക്ഷാഭവന്‍ അറിയിച്ചു.