രാജസ്ഥാനില്‍ എച്ച് 1 എന്‍ മരണം 48 ആയി

ജയ്പൂര്‍: രാജസ്ഥാനില്‍ എച്ച് 1 എന്‍ 1 ബാധിച്ച് മരിച്ചവരുടെ എണ്ണം 48 ആയി ഉയര്‍ന്നു. അതിനിടെ, സംസ്ഥാനത്ത് 1,173 പേര്‍ക്ക് എച്ച്1എന്‍1 സ്ഥിരീകരിച്ചതായി അധികൃതര്‍ പറഞ്ഞു. പുതുവര്‍ഷത്തില്‍ പരിശോധനയ്ക്കു വിധേയമാക്കിയ 5,061 സാമ്പിളുകളില്‍ 1,173 ഉം രോഗബാധിതരാണെന്നാണ് ആരോഗ്യവകുപ്പ് പറയുന്നത്. പനിബാധിതരെകൊണ്ട് ആശുപത്രികള്‍ നിറഞ്ഞുകവിഞ്ഞിരിക്കുകയാണെന്നു സംസ്ഥാന ആരോഗ്യവകുപ്പ് വക്താവ് പറഞ്ഞു. രാജസ്ഥാനില്‍ കഴിഞ്ഞ വര്‍ഷം എച്ച്‌ഐഎന്‍എന്‍ 1 വൈറസ് ബാധിച്ച് 1,100 പേര്‍ മരണമടഞ്ഞിട്ടുണ്ടെന്നാണ് കണക്ക്്. ഇന്ത്യയിലൊട്ടാകെ 15,000 പേര്‍ക്ക് ഈ രോഗം ബാധിച്ചിട്ടുണ്ടെന്നു റിപ്പോര്‍ട്ട് വ്യക്തമാക്കുന്നു.