സംസ്ഥാനത്തെ ജ്യൂസ് കടകളില് പ്രത്യേക പരിശോധന; ഹോട്ടലുകളിലെ പരിശോധന തുടരുമെന്നും മന്ത്രി വീണ ജോര്ജ്
പഴങ്ങള്, വെള്ളം, ഐസ്, കളര് എന്നിവ പരിശോധിക്കും
തിരുവനന്തപുരം: സംസ്ഥാന വ്യാപകമായി ഹോട്ടലുകളിലേയും മറ്റു സ്ഥാപനങ്ങളിലേയും ഭക്ഷ്യ സുരക്ഷാ പരിശോധന തുടരുമെന്ന് ആരോഗ്യ മന്ത്രി വീണാ ജോര്ജ്. ഹെല്ത്ത് സ്ക്വാഡിന്റെ അവലോകന യോഗം നടത്തും. ജ്യൂസ് കടകളില് പ്രത്യേക പരിശോധന നടത്തും. കടയുടെ വൃത്തി പ്രധാനമാണ്. പഴങ്ങള്, വെള്ളം, ഐസ്, കളര് എന്നിവ പരിശോധിക്കും. ചെക്ക് പോസ്റ്റുകള് കേന്ദ്രീകരിച്ച് ശക്തമായ പരിശോധന നടത്തി വരുന്നു. ഇത് തുടരുന്നതാണ്. പരിശോധനയോടൊപ്പം ബോധവത്ക്കരണം ഉറപ്പാക്കണമെന്ന് മന്ത്രി ബന്ധപ്പെട്ട ഉദ്യോഗസ്ഥര്ക്ക് നിര്ദേശം നല്കി.
സംസ്ഥാനത്ത് പകര്ച്ചവ്യാധി പ്രതിരോധം ശക്തമാക്കാന് നടപടി സ്വീകരിക്കാന് എല്ലാ ജില്ലകള്ക്കും നിര്ദേശം നല്കിയെന്നും മന്ത്രി അറിയിച്ചു. കാലാവസ്ഥാ വ്യതിയാനവും മഴയും കാരണം പകര്ച്ചവ്യാധി കൂടാന് സാധ്യതയുള്ള സാഹഹചര്യം മുന്നില് കണ്ട് ജില്ലകള് പ്രവര്ത്തനങ്ങള് ഊര്ജിതമാക്കണം. ആരോഗ്യ ജാഗ്രത പ്രവര്ത്തനങ്ങള് ശക്തമാക്കണം. അതിഥി തൊഴിലാളികള് താമസിക്കുന്ന സ്ഥലങ്ങള് ശ്രദ്ധിക്കേണ്ടതാണ്. പകര്ച്ചവ്യാധികള് ഉണ്ടാകാന് സാധ്യതയുള്ള ഹോട്ട് സ്പോട്ടുകള് നിശ്ചയിച്ച് കൃത്യമായ ഇടപെടലുകള് നടത്തണം. സംസ്ഥാനതല നിരീക്ഷണം ശക്തമാക്കണമെന്നും മന്ത്രി നിര്ദേശം നല്കി. എല്ലാ ജില്ലകളിലേയും ആരോഗ്യ വകുപ്പ് ഉദ്യോഗസ്ഥരുടെ ഉന്നതതല യോഗത്തിലാണ് മന്ത്രി നിര്ദേശം നല്കിയത്.
ഡെങ്കിപ്പനി, എലിപ്പനി, മലേറിയ, എച്ച്1 എന്1, ചിക്കന്ഗുനിയ, മഞ്ഞപ്പിത്തം, കോളറ, സിക, ഷിഗല്ല തുടങ്ങിയ രോഗങ്ങള്ക്കെതിരെ ജാഗ്രത പാലിക്കേണ്ടതാണ്. ഡെങ്കിപ്പനി, എലിപ്പനി എന്നിവയ്ക്കെതിരെ അതീവ ജാഗ്രത പാലിക്കണം. എറണാകുളം, തിരുവനന്തപുരം, ആലപ്പുഴ, പാലക്കാട്, കാസര്ഗോഡ്, തൃശൂര് എന്നീ ജില്ലകളിലാണ് ഡെങ്കിപ്പനി കൂടുതല് റിപ്പോര്ട്ട് ചെയ്തിട്ടുള്ളത്. പത്തനംതിട്ട, ആലപ്പുഴ, എറണാകുളം, തിരുവനന്തപുരം, മലപ്പുറം, കോട്ടയം, കാസര്ഗോഡ്, വയനാട്, കോഴിക്കോട് ജില്ലകളിലാണ് എലിപ്പനി കൂടുതല് റിപ്പോര്ട്ട് ചെയ്യുന്നത്. കോഴിക്കോടാണ് ഏറ്റവും കൂടുതല് ഷിഗല്ല കേസ് റിപ്പോര്ട്ട് ചെയ്തത്. കാസര്ഗോഡ്, മലപ്പുറം, തൃശൂര്, പാലക്കാട് ജില്ലകളും ശ്രദ്ധിക്കണമെന്ന് മന്ത്രി നിര്ദേശം നല്കി.
ആരോഗ്യ വകുപ്പ് പ്രിന്സിപ്പല് സെക്രട്ടറി ഡോ. രാജന് എന് ഖോബ്രഗഡെ, ഭക്ഷ്യസുരക്ഷാ കമ്മീഷണര് വിആര് വിനോദ്, ആരോഗ്യ വകുപ്പ് ഡയറക്ടര്, അഡീഷണല് ഡയറക്ടര്മാര്, ഡെപ്യൂട്ടി ഡയറക്ടര്മാര്, ജില്ലാ മെഡിക്കല് ഓഫിസര്മാര്, ജില്ലാ പ്രോഗ്രാം മാനേജര്മാര്, ജില്ലാ സര്വയലന്സ് ഓഫിസര്മാര് എന്നിവര് പങ്കെടുത്തു.
RELATED STORIES
ട്രെയിനില് വീണ്ടും ടിടിഇക്ക് മര്ദ്ദനം; തിരുവനന്തപുരം സ്വദേശി...
13 May 2024 6:01 AM GMTഹരിഹരന്റെ വീടിന് നേരെ സ്ഫോടകവസ്തു എറിഞ്ഞ സംഭവം: മൂന്ന് പേര്ക്കെതിരേ...
13 May 2024 5:57 AM GMTകപ്പല് ബോട്ടിലിടിച്ച് അപകടം; കാണാതായ രണ്ട് മത്സ്യത്തൊഴിലാളികളുടെയും...
13 May 2024 5:14 AM GMTവെൽനസ് കാംപയിൻ: സോളിഡാരിറ്റി മാരത്തോൺ സംഘടിപ്പിച്ചു
12 May 2024 10:44 AM GMTമാധ്യമപ്രവർത്തകൻ ബിപിൻ ചന്ദ്രൻ അന്തരിച്ചു
12 May 2024 7:16 AM GMTകര്ണ്ണാടക എസ്ഡിപിഐ പ്രസിഡന്റിന് കാറപകടത്തില് പരിക്ക്
12 May 2024 6:20 AM GMT