സ്‌കൂട്ടറില്‍ കാറിടിച്ച് ആറുവയസ്സുകാരന്‍ മരിച്ചു

ചേര്‍പ്പ് (തൃശ്ശൂര്‍): ചൊവ്വൂരില്‍ അച്ഛനോടൊപ്പം സ്‌കൂട്ടറില്‍ യാത്രചെയ്യുകയായിരുന്ന ആറുവയസ്സുകാരന്‍ കാറിടിച്ച് മരിച്ചു. പെരുവനം സംസ്‌കൃത സ്‌കൂളിന് സമീപം വാടകയ്ക്ക് താമസിക്കുന്ന മാതൃഭൂമി തൃശ്ശൂര്‍ യൂണിറ്റിലെ സെക്യൂരിറ്റി ജീവനക്കാരന്‍ ചക്കാലക്കല്‍ അരുണ്‍ കുമാറിന്റെയും കൃഷ്ണപ്രിയയുടെയും മകന്‍ കൃഷ്ണസ്വരൂപ് ആണ് മരിച്ചത്.

തൃപ്പൂണിത്തുറ ഭവന്‍സ് സ്‌കൂളിലെ ഒന്നാംക്ലാസ് വിദ്യാര്‍ഥിയാണ്. ചെറുവത്തേരി സ്വദേശിയായ അരുണ്‍കുമാര്‍ ചെറുവത്തേരി പത്താമുദയം കാവടി കണ്ട് മടങ്ങവേ വ്യാഴാഴ്ച ഉച്ചയ്ക്ക് ചൊവ്വൂര്‍ കപ്പേളയ്ക്ക് സമീപത്താണ് അപകടമുണ്ടായത്. അരുണ്‍ കുമാര്‍ കൂര്‍ക്കഞ്ചേരിയിലെ സ്വകാര്യ ആശുപത്രിയില്‍ ചികിത്സയിലാണ്.