ശബരിമല സ്വര്‍ണക്കൊള്ള: കെ ജയകുമാറിന്റെ അയോഗ്യത ചൂണ്ടിക്കാട്ടി ഹരജി

തിരുവനന്തപുരം: തിരുവിതാംകൂര്‍ ദേവസ്വം ബോര്‍ഡ് പ്രസിഡന്റായി നിയമിതനായ കെ ജയകുമാറിനെ അയോഗ്യനാക്കണമെന്നാവശ്യപ്പെട്ട് ഹരജി കോടതിയില്‍ ഫയല്‍ ചെയ്തു. സംസ്ഥാന കാര്‍ഷിക ഉത്പാദന കമ്മിഷണര്‍ ഡോ. ബി അശോക് ഐഎഎസാണ് ഹരജി സമര്‍പ്പിച്ചത്. സര്‍ക്കാരിന്റെ ശമ്പളം നല്‍കുന്ന പദവി വഹിക്കുന്ന വ്യക്തിക്ക് ദേവസ്വം ബോര്‍ഡിലെ അംഗത്വമോ അധ്യക്ഷസ്ഥാനമോ വഹിക്കാന്‍ നിയമപരമായ അയോഗ്യതയുണ്ടെന്ന് ഹരജിയില്‍ പറയുന്നു. കെ ജയകുമാര്‍ ഇപ്പോള്‍ സര്‍ക്കാര്‍ സ്ഥാപനമായ ഇന്‍സ്റ്റിറ്റിയൂട്ട് ഓഫ് മാനേജ്‌മെന്റ് ഇന്‍ ഗവണ്മെന്റ് (ഐഎംജി) ഡയറക്ടറായും പ്രവര്‍ത്തിക്കുന്നുവെന്നതും ഹരജിയില്‍ ചൂണ്ടിക്കാട്ടുന്നു.

തിരുവനന്തപുരം പ്രിന്‍സിപ്പല്‍ ജില്ലാ കോടതി ഹരജി ഫയലില്‍ സ്വീകരിച്ചു. ഹരജിയില്‍ കെ ജയകുമാറിനും ദേവസ്വം സെക്രട്ടറിക്കും സര്‍ക്കാരിനും തിരുവനന്തപുരം ജില്ലാ കോടതി നോട്ടിസ് അയച്ചു.