അഫ്ഗാന്‍ ജനതക്ക് സ്വാതന്ത്ര്യ ദിനാശംസയുമായി റാഷിദ് ഖാന്‍

ന്യൂഡല്‍ഹി: അഫ്ഗാന്‍ ക്രിക്കറ്റ് താരമായ റാഷിദ് ഖാന്‍ രാജ്യത്തെ ജനങ്ങള്‍ക്ക് സ്വാതന്ത്ര്യ ദിനാശംസകള്‍ നേര്‍ന്നു. ട്വിറ്ററിലൂടെയാണ് അദ്ദേഹം സ്വാതന്ത്ര്യ ദിനാശംസകള്‍ നേര്‍ന്നത്. ' ഇന്ന് നമ്മുടെ രാഷ്ട്രത്തെ വില മതിക്കാന്‍ കുറച്ച് സമയമെടുക്കാം, ത്യാഗങ്ങള്‍ ഒരിക്കലും മറക്കരുത്. നമ്മുക്ക് വികസനവും സമാധാനവുമുളള രാജ്യത്തിന് വേണ്ടി പ്രാര്‍ഥിക്കാം' എന്നായിരുന്നു റാഷിദ് ഖാന്‍ ട്വീറ്റ് ചെയ്തത്.

ഐപിഎല്ലില്‍ സണ്‍റൈസേഴ്‌സ് ഹെദരാബാദിന്റെ താരമാണ് റാഷി്ദ് ഖാന്‍. നേരത്തെ അഫ്ഗാന്‍ വിഷയത്തില്‍ ഇടപെടണമെന്ന് ആവശ്യപ്പെട്ട് അദ്ദേഹം രംഗത്ത് എത്തിയിരുന്നു.