രാജ്യസഭ ഉപതിരഞ്ഞെടുപ്പ്: 13 വരെ നാമനിര്ദേശം സമര്പ്പിക്കാം
6 Aug 2020 11:46 AM GMT
തിരുവനന്തപുരം: രാജ്യസഭയിലേക്കുള്ള ഉപതിരഞ്ഞെടുപ്പില് 13 വരെ നാമനിര്ദേശം സമര്പ്പിക്കാമെന്ന് മുഖ്യതിരഞ്ഞെടുപ്പ് ഓഫിസര് ടിക്കാറാം മീണ. 14ന് സൂക്ഷ്മപരിശോധന നടക്കും. നാമനിര്ദേശം പിന്വലിക്കാനുള്ള അവസാന തിയ്യതി ആഗസ്റ്റ് 17 ആണ്. 24നാണ് തിരഞ്ഞെടുപ്പ്.
കേരളത്തിലെ തിരഞ്ഞെടുപ്പ് പ്രക്രിയയുടെ നിരീക്ഷകനായി മുഖ്യതിരഞ്ഞെടുപ്പ് ഓഫീസര് ടിക്കാറാം മീണയെ ഇലക്ഷന് കമ്മീഷന് നിയോഗിച്ചിട്ടുണ്ട്. നിയമസഭാ സെക്രട്ടറിയാണ് റിട്ടേണിംഗ് ഓഫീസര്. നാമനിര്ദേശം രാവിലെ 9 മണിക്കും വൈകിട്ട് നാലു മണിക്കുമിടയില് റിട്ടേണിംഗ് ഓഫിസര് മുമ്പാകെ സമര്പ്പിക്കാം. കൊവിഡ് 19 ന്റെ പശ്ചാത്തലത്തില് കൊവിഡ് സുരക്ഷാ മാനദണ്ഡങ്ങള് പാലിച്ചു കൊണ്ടായിരിക്കണം നാമനിര്ദേശം സമര്പ്പിക്കേണ്ടതെന്ന് മുഖ്യതിരഞ്ഞെടുപ്പ് ഓഫിസര് അറിയിച്ചു.
Next Story
