രാഹുല്‍ഗാന്ധിയുടെ ഓഫിസ് ആക്രമണം: എഡിജിപി ഇന്ന് വയനാട്ടില്‍

കല്‍പറ്റ: രാഹുല്‍ ഗാന്ധിയുടെ ഓഫിസ് ആക്രമിച്ച സംഭവത്തിന്റെ അന്വേഷണപുരോഗതി വിലയിരുത്താന്‍ എഡിജിപി മനോജ് എബ്രഹാം ഇന്ന് വയനാട്ടിലെത്തും. കേസ് അന്വേഷിക്കുന്ന സംഘവുമായി അദ്ദേഹം കൂടിക്കാഴ്ച നടത്തും.

ഇതുവരെ അക്രമിസംഘത്തിലെ 29 പേരെ അറസ്റ്റ് ചെയ്തിട്ടുണ്ട്. ഇന്നലെ പുതുതായി ആരെയും അറസ്റ്റ് ചെയ്തിട്ടില്ല. അക്രമത്തില്‍നേരിട്ട് പങ്കെടുത്ത എല്ലാവരും അറസ്റ്റിലായെന്നാണ് നിഗമനം. അതിനെക്കുറിച്ച് പോലിസ് അന്വേഷിക്കുന്നുണ്ട്.

ഇന്ന് നിയമസഭ തുടങ്ങാനിരിക്കെ പ്രതിപക്ഷം ഓഫിസ് ആക്രമണക്കേസ് ഉന്നയിക്കാനിടയുണ്ടെന്നുകൂടി കണ്ടാണ് എഡിജിപിയെ നേരിട്ട് വയനാട്ടിലേക്ക് അയക്കുന്നത്.