ആയിരങ്ങള്‍ ഒഴുകിയെത്തി; പൗരത്വ ഭേദഗതി നിയമത്തിനെതിരേ താക്കീതായി മപ്പാട്ടുകരയില്‍ കൂറ്റന്‍ റാലി

മപ്പാട്ടുകര: വെസ്റ്റ് മപ്പാട്ടുകര നിബ്രാസുല്‍ മുസ്‌ലിമീന്‍ ജമാഅത്ത് കമ്മിറ്റിയുടെ നേതൃത്വത്തില്‍ പൗരത്വ ഭേദഗതി നിയമത്തിനെതിരേ പ്രതിഷേധ റാലി സംഘടിപ്പിച്ചു. മപ്പാട്ടുകരിയില്‍നിന്ന് ആരംഭിച്ച റാലി മുളയന്‍കാവ് സെന്ററില്‍ സമാപിച്ചു.

സമാപന യോഗം വാര്‍ഡ് മെമ്പര്‍ രാജന്‍ പൂതനായിലിന്റെ അധ്യക്ഷതയില്‍ പഞ്ചായത്ത് പ്രസിഡന്റ് അബ്ദുല്‍ കരീം ഉദ്ഘാടനം ചെയ്തു. വിവിധ രാഷ്ട്രീയ പാര്‍ട്ടികളെ പ്രതിനിധീകരിച്ച് അഡ്വ. വിനോദ് കുമാര്‍, എന്‍ ഗോപകുമാര്‍, അഡ്വ. മുഹമ്മദാലി മാറ്റാതടം, എസ്ഡിപി കുലുക്കല്ലൂര്‍ പഞ്ചായത്ത് പ്രസിഡന്റ് സൈതാലി, മഹല്ല് ഖത്തീബ് അബ്ദുല്‍ നാസര്‍ ഫൈസി, മഹല്ല് സെക്രട്ടറി പി ടി അലി, പ്രസിഡന്റ് കെ ഹസ്സന്‍ സംസാരിച്ചു. പ്രതിഷേധ റാലിക്ക് ടി ഫൈസല്‍, പി ടി ബഷീര്‍, എം എ മൊയ്തുണ്ണി ഹാജി, ടി ഹമീദ്, വി നിസാര്‍ നേതൃത്വം നല്‍കി.