പോക്സോ കേസ് പ്രതിക്ക് ജാമ്യം നിന്ന് സിഐ

പത്തനംതിട്ട: പത്തനംതിട്ടയില്‍ പോക്സോ കേസ് പ്രതിക്ക് ജാമ്യം നിന്ന് സര്‍ക്കിള്‍ ഇന്‍സ്പെക്ടര്‍. സൈബര്‍സെല്‍ സിഐ സുനില്‍ കൃഷ്ണനാണ് പ്രതിക്ക് ജാമ്യം നിന്നത്. 13 കാരിയോട് അപമര്യാദയായി പെരുമാറിയ കേസില്‍ അറസ്റ്റിലായ കിളിക്കൊല്ലൂര്‍ സ്വദേശി ശങ്കരന്‍കുട്ടിക്കു വേണ്ടിയാണ് സുനില്‍ കൃഷ്ണന്‍ ജാമ്യം നിന്നത്. ഇരുവരും അയല്‍വാസികളാണ്. ശങ്കരന്‍കുട്ടി തെറ്റു ചെയ്തിട്ടില്ലെന്ന ബോധ്യത്തിലാണ് സഹായം നല്‍കിയതെന്നാണ് സുനില്‍ കൃഷ്ണന്റെ ന്യായീകരണം. സംഭവം പുറത്തായതോടെ സുനില്‍ കൃഷ്ണന്‍ ജാമ്യം ഒഴിഞ്ഞെന്നാണ് റിപോര്‍ട്ട്.

പത്തനംതിട്ടയിലെ ഏനാത്ത് പോലിസ് സ്റ്റേഷന്‍ പരിധിയില്‍ ഒന്നരമാസം മുന്‍പാണ് ശങ്കരന്‍കുട്ടിക്കെതിരേ പരാതി ലഭിച്ചത്. അറസ്റ്റിലായതിനു ശേഷം 40 ദിവസത്തോളം ശങ്കരന്‍കുട്ടി ജയിലിലായിരുന്നു. കഴിഞ്ഞമാസം 30നാണ് സിഐ അടക്കം രണ്ടുപേര്‍ പ്രതിയുടെ ജാമ്യത്തിനായി കോടതിയില്‍ ഹാജരായത്.