കരാറുകാരെ കൂട്ടി ഏത് എംഎല്എയാണ് സമീപിച്ചത്; മന്ത്രിയുടെ പരാമര്ശത്തിനെതിരേ അവകാശലംഘനത്തിന് നോട്ടീസ് നല്കുമെന്നും പ്രതിപക്ഷം
കരാറുകാരെ കൂട്ടി ഏത് എംഎല്എയാണ് മന്ത്രിയെ സമീപിച്ചതെന്ന് വെളിപ്പെടുത്തണം. റിയാസിന്റെ പരാമര്ശം എംഎല്എമാര്ക്ക് അപകീര്ത്തി ഉണ്ടാക്കുന്നതാണെന്നും കെ ബാബു പറഞ്ഞു.
തിരുവനന്തപുരം: കരാറുകാരെക്കൂട്ടി എംഎല്എമാര് കാണാന് വരരുതെന്ന പൊതുമരാമത്ത് മന്ത്രി മുഹമ്മദ് റിയാസിന്റെ പ്രസ്താവനയ്ക്ക് എതിരെ അവകാശലംഘനത്തിന് നോട്ടീസ് നല്കുമെന്ന് പ്രതിപക്ഷം. സ്പീക്കര്ക്ക് നോട്ടീസ് നല്കുമെന്ന് കെ ബാബു എംഎല്എ പറഞ്ഞു. കരാറുകാരെ കൂട്ടി ഏത് എംഎല്എയാണ് മന്ത്രിയെ സമീപിച്ചതെന്ന് വെളിപ്പെടുത്തണം. റിയാസിന്റെ പരാമര്ശം എംഎല്എമാര്ക്ക് അപകീര്ത്തി ഉണ്ടാക്കുന്നതാണെന്നും ബാബു പറഞ്ഞു.
എംഎല്എമാര്ക്കൊപ്പമോ എംഎല്എമാരുടെ ശുപാര്ശയിലോ കരാറുകാര് മന്ത്രിയെ കാണാന് വരുന്നത് ശരിയല്ലെന്നും അത് തെറ്റായ പ്രവണത ആണെന്നുമായിരുന്നു ഇക്കഴിഞ്ഞ ഏഴിന് റിയാസ് നിയമസഭയില് നടത്തിയ പരാമര്ശം. ഇത് ജനപ്രതിനിധികളെക്കുറിച്ച് തെറ്റിദ്ധാരണ സൃഷ്ടിക്കുന്നതാണെന്ന വിമര്ശനം സിപിഎം നിയമസഭാ കക്ഷിയോഗത്തില് ഉയര്ന്നതായുള്ള റിപോര്ട്ടുകളോട് പ്രതികരിക്കവെ റിയാസ് തന്റെ നിലപാട് ആവര്ത്തിച്ചു.
നിയമസഭയില് പറഞ്ഞത് നല്ല ബോധ്യത്തോടെയാണെന്നാണ് മന്ത്രി വ്യക്തമാക്കിയത്. പറഞ്ഞതില് നിന്ന് ഒരടി പിന്നോട്ടില്ല. ചില കരാറുകാരും ഉദ്യോഗസ്ഥരുമായി അവിശുദ്ധ കൂട്ടുകെട്ടുണ്ട്. ഇത് അംഗീകരിക്കാനാവില്ല. എംഎല്എമാര്ക്ക് സ്വന്തം മണ്ഡലങ്ങളിലെ പ്രശ്നങ്ങളുമായി മന്ത്രിയെ കാണാം. എന്നാല് മറ്റ് മണ്ഡലങ്ങളിലെ കാര്യങ്ങളില് ഇടപെടുന്നത് ശരിയല്ലെന്നും മന്ത്രി വ്യക്തമാക്കി. ഇനി റോഡുകളും പാലങ്ങളും നിര്മ്മിക്കുമ്പോള് അതില് കരാറുകാരുടേയും ഉദ്യോഗസ്ഥരുടേയും ഫോണ് നമ്പറുകള് കൂടി ഉള്പ്പെടുത്തും. പ്രശ്നങ്ങളുണ്ടാകുമ്പോള് ജനങ്ങള്ക്ക് അക്കാര്യങ്ങള് ഉടനടി ബന്ധപ്പെട്ടവരെ അറിയിക്കാനാണിതെന്നും മന്ത്രി പറഞ്ഞു.
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT