പൊന്നാനിയില്‍ അയ്യപ്പഭക്തര്‍ സഞ്ചരിച്ച വാന്‍ ലോറിയുമായി കൂട്ടിയിടിച്ച് അപകടം: ഒരു മരണം

മലപ്പുറം: പൊന്നാനിയില്‍ അയ്യപ്പഭക്തര്‍ സഞ്ചരിച്ച വാന്‍ ലോറിയുമായി കൂട്ടിയിടിച്ച് അപകടം. അപകടത്തില്‍ ഒരാള്‍ മരിച്ചു. കര്‍ണാടക സ്വദേശികള്‍ സഞ്ചരിച്ച വാഹനമാണ് അപകടത്തില്‍പ്പെട്ടത്. മരിച്ച കര്‍ണാടക സ്വദേശി ഉമേഷിന് (43) പുറമെ, 11 പേര്‍ക്ക് പരിക്കേറ്റിട്ടുണ്ട്.

പൊന്നാനിയിലെ അപകടത്തിന് പിന്നാലെ, ഇന്നലെയും ശബരിമല തീര്‍ഥാടകര്‍ അപകടത്തില്‍പ്പെട്ടിരുന്നു. നിലയ്ക്കല്‍ പമ്പ റോഡില്‍ അട്ടത്തോടിന് സമീപത്തുവെച്ച് രണ്ട് കെഎസ്ആര്‍ടിസി ബസുകള്‍ കൂട്ടിയിടിച്ചാണ് അപകടമുണ്ടായത്. ഉച്ചയ്ക്ക് ഒരു മണിയോടെ നടന്ന ഈ അപകടസമയത്ത് കൂട്ടിയിടിച്ച രണ്ട് ബസുകളിലും ശബരിമല തീര്‍ത്ഥാടകരായിരുന്നു ഉണ്ടായിരുന്നത്.