കൊവിഡ് രോഗികളില് 7 പേര് വിദേശത്തുനിന്നെത്തിയവര്, 6 പേര് പുറം സംസ്ഥാനത്തുനിന്ന് വന്നവരും
തിരുവനന്തപുരം: സംസ്ഥാനത്തെ കൊവിഡ് വ്യാപനത്തിന്റെ തോത് ഉയരുന്നു. കഴിഞ്ഞ 24 മണിക്കൂറിനുളളില് വിദേശത്തുനിന്നുവന്ന 7 പേര്ക്കും പുറം സംസ്ഥാനങ്ങളില് നിന്നെത്തിയ 6 പേര്ക്കും കൊവിഡ് സ്ഥിരീകരിച്ചു. വിദേശത്തുനിന്നും പുറം സംസ്ഥാനങ്ങളില് നിന്നും ഇനിയും ധാരാളം പേര് തിരിച്ചെത്താനുണ്ടെന്നത് ആശങ്കയുയര്ത്തുന്നുണ്ട്.
സംസ്ഥാനത്ത് ഇന്ന് 16 പേര്ക്കാണ് കൊവിഡ്19 സ്ഥിരീകരിച്ചതായി മുഖ്യമന്ത്രി പിണറായി വിജയന് വാര്ത്താസമ്മേളനത്തില് പറഞ്ഞിരുന്നു. വയനാട് ജില്ലയില് നിന്നുള്ള 5 പേര്ക്കും മലപ്പുറം ജില്ലയില് നിന്നുള്ള 4 പേര്ക്കും ആലപ്പുഴ, കോഴിക്കോട് ജില്ലകളില് നിന്നുള്ള 2 പേര്ക്ക് വീതവും കൊല്ലം, പാലക്കാട്, കാസര്ഗോഡ് ജില്ലകളിലുള്ള ഓരോരുത്തര്ക്കുമാണ് രോഗം ബാധിച്ചത്. ഇതില് 7 പേര് യു.എ.ഇ(4), കുവൈത്ത് (2), സൗദി അറേബ്യ(1) എന്നിവിടങ്ങളില് നിന്നുള്ളവരാണ്. 6 പേര് മറ്റ് സംസ്ഥാനങ്ങളില് നിന്നും (തമിഴ്നാട്4, മഹാരാഷ്ട്ര2) വന്നവരാണ്. 3 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
അതേസമയം കേരളത്തില് ചികില്സയിലായിരുന്ന ആരുടേയും പരിശോധനാഫലം ഇന്ന് നെഗറ്റീവ് ആയിട്ടില്ല. 80 പേരാണ് രോഗം സ്ഥിരീകരിച്ച് ഇനി ചികില്സയിലുള്ളത്. 493 പേര് ഇതുവരെ കൊവിഡില് നിന്ന് മുക്തി നേടി.
സംസ്ഥാനത്തെ വിവിധ ജില്ലകളിലായി 48,825 പേര് നിരീക്ഷണത്തിലാണ്. ഇവരില് 48,287 പേര് വീടുകളിലും 538 പേര് ആശുപത്രികളിലും നിരീക്ഷണത്തിലാണ്. 122 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. ഇതുവരെ 42,201 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 40639 സാമ്പിളുകളുടെ പരിശോധനാഫലം നെഗറ്റിവ് ആണ്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 4630 സാമ്പിളുകള് ശേഖരിച്ചതില് 4424 സാമ്പിളുകള് നെഗറ്റീവ് ആയി. നിലവില് ആകെ 16 ഹോട്ട് സ്പോട്ടുകളാണ് ഉള്ളത്.
RELATED STORIES
കാസര്കോട്ട് മോക്പോളില് ബിജെപിക്ക് അധികവോട്ട്; പരിശോധനയ്ക്ക്...
18 April 2024 9:30 AM GMTമകളുടെ അപകടമരണം: പോപുലര് ഫ്രണ്ട് മുന് ചെയര്മാന് ഒ എം എ സലാമിന്...
18 April 2024 9:05 AM GMTഭാര്യയെയും ഭാര്യാസഹോദരനെയും യുവാവ് സ്ക്രൂഡ്രൈവർ കൊണ്ട് കുത്തിക്കൊന്നു
18 April 2024 7:05 AM GMTസുഗന്ധഗിരി മരംമുറി:18 ഉദ്യോഗസ്ഥർക്കെതിരെ നടപടിക്ക് ശുപാർശ; ഇതുവരെ...
18 April 2024 7:02 AM GMTഅക്ബറിനും സീതയ്ക്കും പുതിയ പേര് നിർദേശിച്ച് ബംഗാള് സർക്കാർ
18 April 2024 6:09 AM GMTആലപ്പുഴയിൽ വീണ്ടും പക്ഷിപ്പനി; താറാവുകളെ കൂട്ടത്തോടെ കൊന്നൊടുക്കും,...
18 April 2024 5:34 AM GMT