മെസ്സി ചാന്റിനെതിരേ ആരാധകര്‍ക്ക് നേരെ അശ്ലീല ആംഗ്യം; റൊണാള്‍ഡോക്ക് രണ്ട് മത്സരങ്ങളില്‍ വിലക്ക്

റിയാദ്: ക്രിസ്റ്റ്യാനോ റൊണാള്‍ഡോക്ക് സൗദി ലീഗില്‍ വിലക്ക് ലഭിക്കും. കഴിഞ്ഞ ദിവസം നടന്ന അല്‍ ശബാബിന് എതിരായ മത്സരത്തില്‍ ആരാധകര്‍ക്ക് എതിരെ അശ്ലീല ആംഗ്യം കാണിച്ചതിന് ആണ് ക്രിസ്റ്റ്യാനോ റൊണാള്‍ഡോയ്ക്ക് രണ്ട് മത്സരങ്ങളുടെ വിലക്ക് ലഭിച്ചത്. ഞായറാഴ്ച അല്‍ ഷബാബിനെതിരെ അല്‍ നാസര്‍ 3-2 ന് വിജയിച്ചപ്പോള്‍ റൊണാള്‍ഡോ ഒരു ഗോള്‍ നേടിയിരുന്നു. റിയാദിലെ സ്റ്റേഡിയത്തിലെ ഹോം ആരാധകര്‍ കളിയില്‍ ഉടനീളം ലയണല്‍ മെസ്സിയുടെ പേര് വിളിച്ച് കൊണ്ട് റൊണാള്‍ഡോയെ അലോസരപ്പെടുത്തിയിരുന്നു. ഇതില്‍ പ്രകോപിതനായ റൊണാള്‍ഡോ മത്സര ശേഷം ആരാധകര്‍ക്ക് നേരെ അശ്ലീല ആംഗ്യം കാണിച്ച് ആഹ്ലാദം പ്രകടിപ്പിച്ചു. തുടര്‍ന്നാണ് ലീഗ് അധികൃതകര്‍ താരത്തിന് വിലക്ക് നല്‍കിയത്. രണ്ട് മത്സരങ്ങളില്‍ ആണ് വിലക്ക്. അല്‍ ഹസം, അല്‍ റയെദ് എന്നിവര്‍ക്ക് എതിരായ മത്സരങ്ങള്‍ റൊണാള്‍ഡോക്ക് നഷ്ടമാവും.