കേരളവുമായി കൈകൊടുത്ത് നോര്വീജിയന് ജിയോ ടെക്നിക്കല് ഇന്സ്റ്റിറ്റിയൂട്ട്
തിരുവനന്തപുരം: പ്രകൃതിക്ഷോഭങ്ങളെ നേരിടല്, വയനാട് തുരങ്കപ്പാത നിര്മ്മാണം, തീരശോഷണം തടയല് എന്നീ മേഖലകളില് കേരളവുമായി സഹകരിച്ച് പ്രവര്ത്തിക്കാന് നോര്വീജിയന് ജിയോ ടെക്നിക്കല് ഇന്സ്റ്റിറ്റിയൂട്ട് താല്പര്യം പ്രകടിപ്പിച്ചു. മുഖ്യമന്ത്രി പിണറായി വിജയന്റെ അഭ്യര്ത്ഥന മാനിച്ച് വിവിധ മേഖലകളിലെ വിദഗ്ധരുടെ സംഘത്തെ കേരളത്തിലേക്ക് അയക്കാമെന്ന് നോര്വെയിലെ ദേശീയ ദുരന്ത നിവാരണ മേഖലയിലെ വിദഗ്ധന് ഡൊമനിക് ലെയ്ന് ഉറപ്പുനല്കി. ഇന്ത്യന് റെയില്വേക്ക് തുരങ്കപ്പാത നിര്മാണത്തില് ഇവരുടെ സാങ്കേതിക സഹകരണം നിലവില് ലഭിക്കുന്നുണ്ട്.
ഏഴു കിലോമീറ്റര് ആഴത്തിലെ പാറയുടെ സ്വഭാവത്തെ മനസ്സിലാക്കുന്നതിനുള്ള നോര്വീജയന് സാങ്കേതിക വിദ്യയാണ് ലഡാക്കില് ഉപയോഗിക്കുന്നത്. ഇത് മനസ്സിലാക്കിയാണ് മുഖ്യമന്ത്രി പിണറായി വിജയന് വയനാട്ടില് സര്ക്കാര് നിര്മ്മിക്കാന് ആലോചിക്കുന്ന തുരങ്കപ്പാതയുടെ നിര്മ്മാണത്തില് നോര്വീജിയന് ജിയോ ടെക്നികല് ഇന്സ്റ്റിറ്റിയൂട്ടിന്റെ സാങ്കേതിക ഉപദേശം സഹായകരമായിരിക്കുമെന്ന് സൂചിപ്പിച്ചത്.
മണ്ണിടിച്ചിലിനുള്ള സാധ്യത മുന്കൂട്ടി മനസ്സിലാക്കാനുള്ള സാങ്കേതികവിദ്യ വിവിധ രാജ്യങ്ങളില് എന്ജിഐ വിജയകരമായി നടപ്പാക്കുന്നുണ്ട്. ഇന്ത്യയില് നിരവധി കേന്ദ്രസര്ക്കാര് സ്ഥാപനങ്ങളുമായി എന്ജിഐ സഹകരിച്ച് പ്രവര്ത്തിക്കുന്നുണ്ട്. തീര ശോഷണത്തിന്റെ കാര്യത്തിലും ആധുനികവും സ്വാഭാവികവുമായ പരിഹാര മാര്ഗങ്ങള് ഇവര് കണ്ടെത്തിയിട്ടുണ്ട്.
കേരളത്തില് സമീപകാലത്തുണ്ടായ പ്രകൃതി ദുരന്തങ്ങള് വിശദീകരിച്ച മുഖ്യമന്ത്രി എന്ജിഐയുടെ പദ്ധതികള് കേരളത്തിനു സഹായകരമാവുമെന്ന് ചൂണ്ടികാട്ടി. പ്രളയ മാപ്പിങ്ങിലും ആവശ്യമായ സാങ്കേതിക ഉപദേശം നല്കാമെന്ന് എന്ജിഐ വ്യക്തമാക്കി. വിദഗ്ധരുടെ കേരള സന്ദര്ശനത്തിനു ശേഷം സര്വകലാശാലകളും ഗവേഷണ സ്ഥാപനങ്ങളുമായി ചേര്ന്ന് പ്രവര്ത്തിക്കുന്ന കാര്യം പരിഗണിക്കാമെന്ന് ഡൊമനിക് ലെയ്ന് വ്യക്തമാക്കി. സാങ്കേതിക വിദഗ്ധനും ഇന്ത്യന് വംശജനുമായ രാജേന്ദ്രകുമാര് ഉള്പ്പെടെ ആറംഗസംഘമാണ് ചര്ച്ചയില് പങ്കെടുത്തത്.
RELATED STORIES
തെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMTമറുപടി പറഞ്ഞാല് തെളിവുകള് പുറത്തുവിടും; ലീഗ് നേതാക്കളെ...
20 April 2024 9:16 AM GMT'പ്രസാര് ഭാരതിയല്ല, പ്രചാര് ഭാരതി'; ദൂരദര്ശന് ലോഗോയുടെ...
20 April 2024 9:01 AM GMTഎഐസിസി സെക്രട്ടറി തജീന്ദര് സിങ് ബിട്ടു കോണ്ഗ്രസ് വിട്ട് ബിജെപിയില്...
20 April 2024 8:40 AM GMTശക്തമായി തിരിച്ചടിക്കും; ഇസ്രായേലിന് വീണ്ടും ഇറാന്റെ മുന്നറിയിപ്പ്
20 April 2024 8:22 AM GMTപകരം വീട്ടാനാണ് ഇസ്രായേലിന്റെ നീക്കമെങ്കില് ശക്തമായി...
20 April 2024 7:59 AM GMT