ജിദ്ദയില് തൊഴില് പീഢനത്തിനിരയായ മലയാളിയെ നാട്ടിലെത്തിച്ചു
തിരുവനന്തപുരം: സൗദി അറേബ്യയിലെ ജിദ്ദയില് തൊഴില് പീഢനത്തിനിരയായ കണ്ണൂര് സ്വദേശി ജിജേഷ് കമുകയെ നോര്ക്ക റൂട്ട്സ് ഇടപെട്ട് നാട്ടിലേയ്ക്ക് അയച്ചു. സ്വകാര്യ റിക്രൂട്ടിങ്ങ് ഏജന്സി വഴി ഹൗസ് ഡ്രൈവര് തസ്തികയിലാണ് ജിജേഷ് ജിദ്ദയില് ജോലിയില് പ്രവേശിച്ചത്. എന്നാല് രണ്ടുമാസമായിട്ടും ശമ്പളം നല്കിയിരുന്നില്ല. ഒടുവില് ജിജേഷ് ഇന്ത്യന് എംബസിയില് പരാതി അറിയിക്കുകയായിരുന്നു.
ഇതേതുടര്ന്നാണ് ജികേഷിന്റെ മോചനം സാധ്യമായത്. ഡിസംബര് 08 ന് മുബൈയിലെത്തിയ ജിജേഷിനെ നോര്ക്ക റൂട്ട്സ് മുംബൈ എന്.ആര്.കെ ഡെവലപ്മെന്റ് ഓഫീസര് ഷെമിന് ഖാന്റെ നേതൃത്വത്തില് സ്വീകരിച്ചു. പിന്നീട് യാത്രാടിക്കറ്റും മറ്റ് അവശ്യസഹായങ്ങളും ലഭ്യമാക്കി ഇന്നലെ നേത്രാവതി എക്സ്പ്രസ്സ് ട്രെയിനില് നാട്ടിലേയ്ക്ക് യാത്ര അയച്ചു.
വിദേശത്തേയ്ക്ക് പോകുന്നവര് കേന്ദ്ര വിദേശകാര്യ മന്ത്രാലയത്തിനു കീഴിലെ പ്രൊട്ടക്ടര് ഓഫ് എമിഗ്രന്സ് അംഗീകരിച്ച ഏജന്സികള് വഴി മാത്രമേ പോകാവൂ എന്ന് നോര്ക്കാ അധികൃതര് അറിയിച്ചു. പോകും മുന്പ് തൊഴില് ദാതാവിനെക്കുറിച്ചും, ഓഫര് ലെറ്റര്, ആനുകൂല്യങ്ങള് എന്നിവ സംബന്ധിച്ചും കൃത്യമായ അറിവുണ്ടായിരിക്കുകയും വേണം.
RELATED STORIES
കെഎസ്ആര്ടിസി സ്വിഫ്റ്റ് ഡ്രൈവറെ ബസില് കയറി മര്ദ്ദിച്ചു; ഏഴ് ...
10 May 2024 8:41 AM GMTഅമേത്തിയിലും റായ്ബറേലിയിലും കോൺഗ്രസ് ജയിക്കും : കെസി വേണുഗോപാൽ
10 May 2024 8:39 AM GMTപ്രണയം നിരസിച്ചതിന് അരുംകൊല; വിഷ്ണുപ്രിയ കൊലക്കേസിൽ ശ്യാംജിത്ത്...
10 May 2024 7:01 AM GMTഅധിക പലിശ വാഗ്ദാനം ചെയ്ത് തട്ടിപ്പ്; യുവതി അറസ്റ്റിൽ
10 May 2024 6:59 AM GMTഇറാന് പിടിച്ചെടുത്ത കപ്പലിലെ അഞ്ച് ഇന്ത്യന് നാവികരെ വിട്ടയച്ചു
10 May 2024 5:42 AM GMTകെജ് രിവാളിന്റെ ജാമ്യ ഹരജിയിൽ സുപ്രിംകോടതി വിധി ഇന്ന്
10 May 2024 5:23 AM GMT