മാഞ്ചിരി കോളനി സന്ദര്‍ശിക്കും: മന്ത്രി എ കെ ശശിന്ദ്രന്‍

മലപ്പുറം: നിലമ്പൂര്‍ കരുളായി മാഞ്ചിരിയിലെ ഉള്‍വനത്തിനകത്ത് താമസിക്കുന്ന പ്രാക്തന ഗോത്ര വിഭാഗമായ ചോലനായക്കരുടെ

പ്രശ്‌നങ്ങള്‍ നേരിട്ട് മനസ്സിലാക്കാന്‍ കോളനി സന്ദര്‍ശിക്കുമെന്ന് വനം വകുപ്പ് മന്ത്രി എ കെ ശശിന്ദ്രന്‍ പറഞ്ഞു. നിലമ്പൂര്‍ സിക്കിള്‍ സെല്‍ ഗ്രൂപ്പ് അംഗങ്ങളുമായി നടത്തിയ ചര്‍ച്ചയിലാണ് മന്ത്രി ഈ കാര്യം അറിയിച്ചത്.

ഇ കാലഘട്ടത്തിലും ആദി ദ്രവിഡ ഭാഷ സംസാരിക്കുന്ന വിഭാഗമാണ് പോലനായ്ക്കര്‍. ഇവരുടെ വിദ്യാഭ്യാസ പ്രശ്‌നങ്ങളില്‍ ഉള്‍പ്പെടെ ഇടപെടാനുള്ള നിര്‍ദ്ദേശങ്ങള്‍ അടങ്ങിയ റിപ്പോര്‍ട്ട് മന്ത്രിക്ക് കൈമാറി. ആശാധാര ജില്ലാ നോഡല്‍ ഓഫീസര്‍ ഡോ.പി. ജാവേദ് അനിസ് , കേരള ശാസ്ത്ര സാഹിത്യ പരിഷത്ത് മേഖല സെക്രട്ടറി കെ രാജേന്ദ്രന്‍ , വരം കോഡിനേറ്റര്‍ മുജീബ് താനാളൂര്‍ എന്നിവര്‍ ചര്‍ച്ചയില്‍ പങ്കെടുത്തു.