ഗഫൂര്‍ എടക്കരക്ക് 'നിയോ'ജിദ്ദ യാത്രയയപ്പു നല്‍കി

ജിദ്ദ: പ്രവാസം മതിയാക്കി നാട്ടിലേക്കു മടങ്ങുന്ന നിലമ്പൂര്‍ എക്‌സ്പാറ്റ്‌സ് ഓര്‍ഗനൈസേഷന്‍ (നിയോ) ജിദ്ദയുടെ വൈസ് പ്രസിഡന്റ് ഗഫൂര്‍ എടക്കരക്ക് 'നിയോ' എക്‌സിക്യൂട്ടീവ് അംഗങ്ങള്‍ ചേര്‍ന്ന് യാത്രയയപ്പു നല്‍കി.

ഷറഫിയ സഫെയര്‍ ഓഡിറ്റോറിയത്തില്‍ നടന്ന യാത്രയയപ്പു യോഗത്തില്‍ ജന. സെക്രട്ടറി അബൂട്ടി പള്ളത്ത് സ്വാഗതം പറഞ്ഞു. പ്രസിഡന്റ് ഹുസൈന്‍ ചുള്ളിയോട് അധ്യക്ഷത വഹിച്ചു. പിസിഎ റഹ്മാന്‍ (ഇണ്ണി), സൈഫുദ്ദീന്‍ വാഴയില്‍, നാസര്‍ കരുളായി, അക്ബര്‍ പൂങ്കുഴി, ജലീല്‍ മാടമ്പ്ര, അനീസ്, അനസ് നിലമ്പൂര്‍, ഷാഹിദ് എടക്കര, ഫിറോസ് വഴിക്കടവ്, അബ്ബാസ് എന്‍ കെ, അമീര്‍ എടക്കര, ഷൗക്കത്ത് സി എച്ച് ചുങ്കത്തറ, ഫസലു റഹ്മാന്‍ എന്നിവര്‍ പ്രസംഗിച്ചു.

ഗഫൂര്‍ എടക്കര യാത്രയയപ്പിന് മറുപടി പറഞ്ഞു. പ്രസിഡന്റ് ഹുസൈന്‍ ചുള്ളിയോടും, ചെയര്‍മാന്‍ പിസിഎ റഹ്മാനും ചേര്‍ന്ന് 'നിയോ' ഉപഹാരമായ മൊമെന്റോ സമ്മാനിച്ചു. അനസ് നിലമ്പൂര്‍ നന്ദി പ്രകാശിപ്പിച്ചു.