ഓണാവധി: അനധികൃത പ്രവര്‍ത്തനങ്ങള്‍ തടയാന്‍ സ്‌പെഷ്യല്‍ സ്‌ക്വാഡ് രൂപീകരിച്ചു

തൃശൂര്‍: ഓണ അവധി ദിവസങ്ങളില്‍ അനധികൃത വയല്‍ നികത്തല്‍, മണല്‍ ഖനനം, പാറഖനനം, കുന്നിടിക്കല്‍, വ്യാജമദ്യനിര്‍മാണം, മായം ചേര്‍ക്കല്‍, അനധികൃത നിര്‍മാണം, അനധികൃത മരംമുറി, സര്‍ക്കാര്‍ ഭൂമികയ്യേറ്റം, നിയമവിരുദ്ധ പ്രവര്‍ത്തികള്‍ എന്നിവ തടയുന്നതിന് ജില്ലാ താലൂക്ക് തലങ്ങളില്‍ പ്രത്യേക സ്‌ക്വാഡുകള്‍ രൂപീകരിച്ചു. ഇത്തരം നിയമവിരുദ്ധ പ്രവര്‍ത്തനങ്ങള്‍ ശ്രദ്ധയില്‍പ്പെടുന്ന പക്ഷം താഴെപറയുന്ന നമ്പറുകളിലേയ്ക്ക് വിളിച്ച് പരാതി അറിയിക്കാവുന്നതാണെന്ന് ജില്ലാ കലക്ടര്‍ ഹരിത വി കുമാര്‍ അറിയിച്ചു. കൂടാതെ കാലവര്‍ഷക്കെടുതി, കൊവിഡ് 19 സംബന്ധിച്ച പരാതികള്‍ എന്നിവയും ഈ നമ്പറില്‍ അറിയിക്കാവുന്നതാണ്.

കലക്ടറേറ്റ് കണ്‍ട്രോള്‍ റൂം 0487 2362424, താലൂക്കാഫിസ്, തൃശൂര്‍ 0487 2331443, താലൂക്ക് ഓഫിസ്, തലപ്പിള്ളി 0488 4232226, താലൂക്ക് ഓഫിസ്, ചാവക്കാട് 0487 2507350, താലൂക്ക് ഓഫിസ്, ചാലക്കുടി 0480 2705800, താലൂക്ക് ഓഫിസ്, കൊടുങ്ങല്ലൂര്‍ 0480 2802336, താലൂക്ക് ഓഫിസ്, മുകുന്ദപുരം 04802825259, താലൂക്ക് ഓഫിസ്, കുന്നംകുളം 0488 5225200.