തൃശൂർ ജില്ലാ കലക്ടർ എസ് ഷാനവാസ് ഓക്സിജൻ പ്ലാൻ്റുകൾ സന്ദർശിച്ചു

തൃശൂർ: ജില്ലയിലെ മൂന്ന് ഓക്സിജൻ പ്ലാന്റുകൾ കലക്ടർ എസ് ഷാനവാസ് സന്ദർശിച്ചു. വിനായക ഗ്യാസ് പ്ലാന്റ്, തൃശൂർ ഗ്യാസ് പ്ലാന്റ്, ശ്രീ വിഘ്‌നേശ്വര ഗ്യാസ് പ്ലാന്റ് എന്നിവിടങ്ങളിലാണ് കലക്ടർ സന്ദർശനം നടത്തിയത്. മൂന്നു ഗ്യാസ് പ്ലാന്റുകളുടെ പ്രവർത്തനവും കലക്ടർ വിലയിരുത്തി. പ്ലാൻറുകൾ പൂർണമായും പ്രവർത്തന സജ്ജമാകണമെന്നും കൂടുതൽ ഓക്സിജൻ ഉൽപാദിപ്പിക്കാൻ കഴിയുമെങ്കിൽ അതിനുള്ള സജ്ജീകരണങ്ങൾ നടത്തണമെന്നും കലക്ടർ നിർദ്ദേശം നൽകി. ഓക്സിജൻ വാർ റൂം നോഡൽ ഓഫീസറായ ജില്ല വ്യവസായ കേന്ദ്രം പ്രതിനിധികളെ പ്ലാൻറുകളുടെയും ഓക്സിജൻ വിതരണത്തിൻ്റെയും നിരീക്ഷണത്തിനായി ചുമതപ്പെടുത്തി.

കോവിഡ് കൺട്രോൾ റൂം ഓഫീസർമാരായ കെ ബിലാൽ ബാബു, എം എ തോമസ്, ജില്ലാ വ്യവസായ കേന്ദ്രം ജനറൽ മാനേജർ സജി എൻ എന്നിവർ കളക്ടറോടൊപ്പം ഉണ്ടായിരുന്നു.