എന്‍സിപി എല്‍ഡിഎഫില്‍ ഉറച്ച് നില്‍ക്കുമെന്ന് ദേശീയ സെക്രട്ടറി

മലപ്പുറം: എന്‍സിപി എല്‍ഡിഎഫില്‍ ഉറച്ചു നില്‍ക്കുമെന്ന് ദേശീയ സെക്രട്ടറി എന്‍ എ മുഹമ്മദ് കുട്ടി. ഇക്കാര്യം കേന്ദ്ര നേതൃത്ത്വം നേരത്തെ യോഗത്തില്‍ അറിയിച്ചതാണെന്നും അദ്ദേഹം പറഞ്ഞു.

സീറ്റ് വിഭജനത്തില്‍ എന്ത് നിലപാട് ആയാലും പാര്‍ട്ടി എല്‍ഡിഎഫിന്റെ ഒപ്പം നില്‍ക്കുമെന്നാണ് വിശ്വാസം. മാണി സി കാപ്പന് യുഡിഎഫില്‍ പോകാന്‍ അനുമതി നല്‍കിയിട്ടില്ലെന്നും എന്‍ എ മുഹമ്മദ് കുട്ടി പറഞ്ഞു.

പാലാ എന്‍സിപിയുടെ സീറ്റാണ്. സീറ്റ് ചര്‍ച്ചകള്‍ ആരംഭിക്കും മുന്‍പ് മുന്നണി വിട്ടു പോകേണ്ട സാഹചര്യമില്ല. വ്യക്തികള്‍ക്ക് പാര്‍ട്ടി വിട്ടു പോകാന്‍ അവകാശമുണ്ടെന്നും അദ്ദേഹം കൂട്ടിച്ചേര്‍ത്തു.