ബിജെപി ജില്ലാ പ്രസിഡന്റുമാരുടെ കത്തില്ലെങ്കില്‍ അപേക്ഷകള്‍ സ്വീകരിക്കാറില്ല: സുരേഷ് ഗോപി എംപി

തൃശൂര്‍: ബിജെപി ജില്ലാപ്രസിഡന്റുമാരുടെ കത്തില്ലെങ്കില്‍ തന്റെ എംപി ഓഫിസില്‍ വരുന്ന അപേക്ഷകള്‍ സ്വീകരിക്കാറില്ലെന്ന് സുരേഷ്‌ഗോപി എംപി.

കേരളത്തിലെ 14 ജില്ലകളില്‍നിന്നുള്ള അപേക്ഷകര്‍ തന്റെ ഓഫിസില്‍ ലഭിക്കാറുണ്ട്. എല്ലാ അപേക്ഷകള്‍ക്കൊപ്പവും ഭാരതീയ ജനതാ പാര്‍ട്ടിയുടെ ജില്ലാ പ്രസിഡന്റിന്റെ കവറിങ് ലെറ്ററില്ലാതെ എത്തുന്നില്ല. അങ്ങനെ അല്ലാത്ത അപേക്ഷകള്‍ സ്വീകരിക്കുന്നുമില്ല എന്നാണ് സുരേഷ് ഗോപി തദ്ദേശ തിരഞ്ഞെടുപ്പ് പ്രചാരണത്തിനിടെ പ്രസംഗിച്ചത്. ഇതിന്റെ വീഡിയോ സോഷ്യല്‍ മീഡിയയില്‍ വൈറലായിട്ടുണ്ട്. തൃശൂര്‍ കോര്‍പറേഷനില്‍ 21 മുതല്‍ 30 സീറ്റുകള്‍ വരെ നേടുമെന്നും സുരേഷ് ഗോപി പറഞ്ഞു.