പ്രൊഫഷണല്‍ കോഴ്‌സ് പരീക്ഷകള്‍ മാറ്റിവെക്കണംമെന്ന് കേന്ദ്ര വിദേശകാര്യ സഹമന്ത്രി വി മുരളീധരന്‍

തിരുവനന്തപുരം: കേരള സര്‍ക്കാര്‍ ജൂലൈ 16ന് നടത്താന്‍ ഉദ്ദേശിക്കുന്ന കേരള എഞ്ചിനീയറിംഗ് ആര്‍ക്കിടെക്ചര്‍ ആന്റ് മെഡിക്കല്‍ എക്‌സാമിനേഷന്‍ (കെ ഇഎഎം) മാറ്റിവയ്ക്കണമെന്ന് കേന്ദ്ര വിദേശകാര്യ സഹമന്ത്രി വി. മുരളീധരന്‍ ആവശ്യപ്പെട്ടു. സംസ്ഥാനത്തെ കൊവിഡ് രോഗികളുടെ എണ്ണം വര്‍ധിക്കുകയും സമൂഹവ്യാപന ഭീഷണി നേരിടുകയും ചെയ്യുന്ന അപകടകരമായ സാഹചര്യത്തില്‍ പരീക്ഷ നടത്താനെടുത്ത തീരുമാനം സംസ്ഥാന സര്‍ക്കാര്‍ പുനഃപരിശോധിക്കണമെന്ന് മുഖ്യമന്ത്രിക്കെഴുതിയ കത്തിലൂടെയാണ് വി മുരളീധരന്‍ ആവശ്യപ്പെട്ടത്. ഇത്തരമൊരു സാഹചര്യം മുന്നില്‍ കണ്ടുകൊണ്ടാണ് നീറ്റ് പരീക്ഷകള്‍ സെപ്റ്റംബര്‍ വരെ കേന്ദ്ര സര്‍ക്കാര്‍ നീട്ടിവച്ചതെന്നും വി മുരളീധരന്‍ കത്തില്‍ ചൂണ്ടിക്കാട്ടി.