കെഎസ്ആര്ടിസി ബസിന് പുറകില് ആംബുലന്സ് ഇടിച്ച് നവജാത ശിശു മരിച്ചു
ആംബുലന്സില് ചികില്സക്ക് കൊണ്ടുപോവുകയായിരുന്ന മംഗലം അമ്മാട്ടി കുളങ്ങലകത്ത് സ്വദേശി ഷെഫീഖ് അന്ഷിത ദമ്പതികളുടെ ഒന്നരമാസം പ്രായമായ ഇരട്ട ആണ്കുട്ടികളില് ഒരാളാണ് മരിച്ചത്
മുളങ്കുന്നത്തുകാവ് വെളപ്പായ റോഡില് ബുധനാഴ്ച്ച രാത്രി എട്ടോടെയാണ് അപകടമുണ്ടായത്.ട്രാന്സ്പോര്ട്ട് ബസിനു മുന്പില് തെന്നി വീണ ബൈക്ക് യാത്രികനെ രക്ഷിക്കാനായി ബസ് പെട്ടെന്ന് ബ്രേക്ക് ചവിട്ടിയതിനെ തുടര്ന്ന് തൊട്ടു പുറകില് വരികയായിരുന്ന ആംബുലന്സ് ചെന്നിടിക്കുകയായിരുന്നു.അപകടത്തില് കുഞ്ഞിന്റെ തല ആംബുലന്സിന്റെ സൈഡില് തട്ടുകയായിരുന്നു. വടക്കാഞ്ചേരി ഓട്ടുപാറ ഡോക്ടേഴ്സ് മെഡിക്കല് സെന്ററിന്റെ ആംബുലന്സാണ് അപകടത്തില്പ്പെട്ടത്.ഇടിയുടെ ആഘാതത്തില് ആംബുലന്സിന്റെ മുന്വശം പൂര്ണമായും തകര്ന്നു.
കഫക്കെട്ട് കൂടി ഗുരുതരാവസ്ഥയിലായ കുഞ്ഞുങ്ങളെ ഓട്ടുപാറ ഡോക്ടേഴ്സ് മെഡിക്കല് സെന്ററില് നിന്ന് തൃശൂരിലെ സ്വകാര്യ ആശുപത്രിയിലേക്കു കൊണ്ടുപോകുമ്പോഴാണ് അപകടം നടന്നത്.ആംബുലന്സ് ഡ്രൈവര് നൗഷാദ്, ഷെഫീഖിന്റെ ഉമ്മ സൈനബ, ബന്ധുവായ ഷബീര് എന്നിവര്ക്കു പരുക്കേറ്റിട്ടുണ്ട്. ഇവരെ സ്വകാര്യ ആശുപത്രികളില് പ്രവേശിപ്പിച്ചു. ഇതില് സൈനബയുടെ പരുക്ക് ഗുരുതരമാണ്. സൈനബയുടെ മടിയിലായിരുന്നു മരിച്ച കുഞ്ഞ്
RELATED STORIES
തിരഞ്ഞെടുപ്പ് ഫണ്ട് മണ്ഡലം പ്രസിഡന്റുമാര് മുക്കി; ആരെയും വെറുതെ...
17 May 2024 12:31 PM GMTപന്തീരാങ്കാവ് ഗാര്ഹിക പീഡന കേസിൽ ആദ്യ അറസ്റ്റ്: പിടിയിലായത് പ്രതി...
17 May 2024 12:28 PM GMTനീലഗിരി മേഖലയില് കനത്ത മഴയ്ക്കു സാധ്യത; 20 വരെ ഊട്ടി യാത്ര...
17 May 2024 12:19 PM GMTതിരുവനന്തപുരത്ത് ബ്യൂട്ടി പാർലർ ഉടമയായ സ്ത്രീ സ്ഥാപനത്തിനുള്ളിൽ...
17 May 2024 12:15 PM GMTയുഎഇയില് എമിറേറ്റൈസേഷന് നിയമങ്ങള് ലംഘിച്ചതിന് 1,300 കമ്പനികള്ക്ക്...
17 May 2024 12:13 PM GMTകാഞ്ഞാര് അബ്ദുര് റസാഖ് മൗലവി; സമര പോരാട്ടങ്ങളിലെ നിര്ഭയ...
17 May 2024 12:04 PM GMT