നാഷനല് ഹെറാള്ഡ് കേസ്: രാഹുല് ഗാന്ധിയെ ഇന്നും ഇഡി ചോദ്യം ചെയ്യും
ന്യൂഡല്ഹി: നാഷനല് ഹെറാള്ഡ് കേസില് കോണ്ഗ്രസ് നേതാവ് രാഹുല് ഗാന്ധിയെ എന്ഫോഴ്സ്മെന്റ് ഡയറക്ടറേറ്റ് ഇന്ന് വീണ്ടും ചോദ്യം ചെയ്യും. ഇത് നാലാമത്തെ ദിവസമാണ് ഇഡിക്ക് മുമ്പാകെ രാഹുല് ഹാജരാവുന്നത്. വെള്ളിയാഴ്ച വിളിപ്പിച്ചിരുന്നെങ്കിലും സോണിയാ ഗാന്ധിയുടെ ആരോഗ്യസ്ഥിതി കണക്കിലെടുത്ത് ചോദ്യം ചെയ്യല് മാറ്റണമെന്ന് രാഹുല് അഭ്യര്ഥിച്ചിരുന്നു. ഇത് കണക്കിലെടുത്ത് ഇന്ന് രാവിലെ 11ന് ഇഡി ഓഫിസിലെത്താനാണ് നോട്ടീസ് നല്കിയിരിക്കുന്നത്. കഴിഞ്ഞ ആഴ്ച മൂന്ന് ദിവസങ്ങളിലായി 30 മണിക്കൂറോളം അദ്ദേഹത്തെ ചോദ്യം ചെയ്തിരുന്നു.
എന്നാല്, രാഹുലിന്റെ മറുപടി തൃപ്തികരമല്ലെന്നും കൂടുതല് കാര്യങ്ങള് വ്യക്തമാവാനുണ്ടെന്നുമാണ് ഇഡി കേന്ദ്രങ്ങള് വ്യക്തമാക്കുന്നത്. രാഹുല് ഗാന്ധിയെ വീണ്ടും ചോദ്യം ചെയ്യുമ്പോള് പുറത്ത് പ്രതിഷേധം കടുപ്പിക്കാനാണ് കോണ്ഗ്രസിന്റെ തീരുമാനം. പ്രതിഷേധത്തില് പങ്കെടുക്കാന് മുഴുവന് എംപിമാരും ഡല്ഹിയിലെത്തി. പോലിസ് തടഞ്ഞാല് എംപിമാരുടെ വീടുകളിലോ ജന്തര്മന്തറിലോ സമരം നടത്താനാണ് എഐസിസി നേതൃത്വത്തിന്റെ തീരുമാനം. കഴിഞ്ഞ മൂന്ന് തവണ രാഹുലിനെ ഇഡി ചോദ്യം ചെയ്തപ്പോള് എഐസിസി ആസ്ഥാനത്തും ഇഡി ഓഫിസ് പരിസരത്തും വ്യാപക പ്രതിഷേധം നടന്നിരുന്നു. സമാനരീതിയില് ഇന്നും പ്രതിഷേധം മുന്നില് കണ്ട് നിരോധനാജ്ഞ തുടരുമെന്ന് ഡല്ഹി പോലിസ് അറിയിച്ചിട്ടുണ്ട്.
RELATED STORIES
വനിതാ ഹോസ്റ്റലിൽ നിന്ന് പിടിച്ചത് 1.3 കിലോ കഞ്ചാവ്; ഐടി ജീവനക്കാരിയും...
26 April 2024 10:39 AM GMTമണിപ്പൂര്; അമേരിക്കയുടെ റിപോര്ട്ട് ഇന്ത്യ തള്ളി
26 April 2024 10:34 AM GMTആലത്തൂരിലെ പാര്ട്ടി അനുഭാവികളുടെ വോട്ടുകള് ബിജെപി തൃശൂര്...
26 April 2024 10:33 AM GMTസംസ്ഥാനത്ത് പോളിങ് കുതിക്കുന്നു; 52.25 ശതമാനം പിന്നിട്ടു
26 April 2024 10:30 AM GMTകള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMT