മെഡിക്കല്‍ കോളേജ് പീഢനം ഞെട്ടിക്കുന്നത് : കെ ഷെമീര്‍

കോഴിക്കോട് : കലക്ടറും മേയറും ജില്ല പഞ്ചായത്ത് പ്രസിഡന്റ്, ജില്ല വികസന കമ്മീഷണര്‍, സബ് കലക്ടര്‍, കോര്‍പ്പറേഷന്‍ സെക്രട്ടറി എല്ലാം വനിതകളായിരിക്കെ കോഴിക്കോട് മെഡിക്കല്‍ കോളജ് ഐ.സി.യുവില്‍ യുവതിക്ക് നേരെ നടന്ന ലൈംഗിക അതിക്രമം ഞെട്ടിക്കുന്നതാണെന്ന് എസ് ഡി പി ഐ ജില്ല സെക്രട്ടറി കെ ഷെമീര്‍. നിരന്തരം ആക്ഷേപങ്ങളും കെടുകാര്യസ്ഥതയും റിപ്പോര്‍ട്ട് ചെയ്യപ്പെടുന്ന കോളേജില്‍ ജനസൗഹൃദ സുരക്ഷ വിപുലപ്പെടുത്തണം. സുരക്ഷയുടെ പേരില്‍ രോഗികളേയും കൂട്ടിയിരുപ്പുകാരേയും ബുദ്ധിമുട്ടിക്കരുത്. സുരക്ഷ ചുമതലയുള്ള ഉദ്യോസ്ഥനെതിരെയും നഴ്‌സിംഗ് സൂപ്രണ്ടിനെതിരെയും നടപടി സ്വീകരിക്കണമെന്നും കെ ഷെമീര്‍ പറഞ്ഞു.