ആയോധനകല രജിസ്‌ട്രേഷന്‍ ഫീസ് വര്‍ദ്ധനവ് പിന്‍വലിക്കണം : നിസാം പുത്തൂര്‍

വടകര : ആയോധന പരിശീലന കേന്ദ്രങ്ങള്‍ പുതുതായി തുടങ്ങുന്നതിനും പുതുക്കുന്നതിനും രജിസ്‌ട്രേഷന്‍ ഫീസ് കുത്തനെ കൂട്ടിയത് പിന്‍വലിക്കണമെന്ന് എസ് ഡി പി ഐ ജില്ലാ കമ്മിറ്റി അംഗം നിസാം പുത്തൂര്‍ ആവശ്യപ്പെട്ടു. 250 രൂപയില്‍ നിന്നും 3000 ആക്കി ഉയര്‍ത്തിയത് വെല്ലു വിളിയാണ്. അയോധന പരിശീലന കേന്ദ്രങ്ങളെ പ്രത്യേകിച്ചു വടക്കെ മലബാറിലെ പരമ്പാരാഗത സ്ഥാപനങ്ങളെ ഇതു പ്രതികൂലമായി ബാധിക്കും. കടത്തനാട്ടിലെ കളരി സംഘങ്ങളില്‍ പലതിലും കൃത്യമായി ഫീസ് വാങ്ങാറില്ല. പല കളരികളും പൈതൃകമായി സംരക്ഷിച്ചു പോരുന്നവയാണ്. ആയതിനാല്‍ വര്‍ദ്ധനവ് പിന്‍വലിക്കണമെന്നും അദ്ദേഹം പറഞ്ഞു.