മലപ്പുറം ജില്ല കലോത്സവത്തില്‍ ഹെെസ്കൂള്‍ നാടക മത്സര വിധികര്‍ത്താക്കളുടെ പാനല്‍ പുറത്തായതായി ആരോപണം

മലപ്പുറം : മലപ്പുറം ജില്ലാ കലോത്സവത്തില്‍ നവംബര്‍ 30നു നടക്കുന്ന ഹെെസ്കൂള്‍ മലയാള നാടകമത്സരത്തിന്റെ വിധികര്‍ത്താവായി 'ശിവദാസ് പൊയില്‍കാവ് ' എത്തുന്ന വിവരം പുറത്തായതായി ആരോപണം.

ശിവദാസ് തന്നെ മറ്റു പലരോടും പറഞ്ഞതായാണ് വിവരം.

തിരൂര്‍ സബ്ജില്ലയില്‍ വിജയിച്ച് ജില്ലാ മത്സരത്തില്‍ പങ്കെടുക്കുന്ന ഹെെസ്കൂള്‍ നാടകത്തിന്റെ സഹപരിശീലകനും,നാടക രചയിതാവുമാണ് വിധികര്‍ത്താവായി തിരഞ്ഞെടുക്കപ്പെട്ടു എന്ന് പറയപ്പെടുന്ന ശിവദാസ് പൊയില്‍കാവ്.

ജഡ്ജിമെന്റ് പാനലിന്റെ രഹസ്യ സ്വഭാവം നഷ്ടപ്പെട്ട സാഹചര്യത്തില്‍,

സ്വന്തം നാടകത്തിനു വിധിനിര്‍ണയം നടത്താന്‍ അദ്ദേഹത്തെ അനുവദിക്കരുതെന്ന ആവശ്യം ശക്തമാവുകയാണ്.