മാള സെന്റ് ആന്റണീസ് സ്കൂളിൽ ഫുഡ് ബാങ്ക് പദ്ധതി ആരംഭിച്ചു

മാളഃ മാള സെന്റ് ആന്റണീസ് ഹയർ സെക്കന്ററി സ്കൂളിലെ എൻഎസ്എസ്ന്റെ നേതൃത്വത്തിൽ ഉപ്പ് എന്ന പദ്ധതി ആരംഭിച്ചു. കൊവിഡ് മഹാമാരി കാരണം ഒരു നേരം ഭക്ഷണത്തിന് വകയില്ലാത്തവർക്ക് വേണ്ടിയുള്ള ഒരു സംരംഭമാണ് ഈ ഫുഡ് ബാങ്ക്. സ്ക്കൂളിലെ എൻഎസ്എസ് വിദ്യാത്ഥികൾ ശേഖരിച്ച പലവ്യഞ്ജന സാധനങ്ങൾ സ്ക്കൂളിന്റെ മുൻപിലുള്ള ബസ്സ് സ്റ്റോപ്പിലാണ് ക്രമീകരിച്ചിട്ടുള്ളത്.

ഫുഡ് ബാങ്കിന്റെ ഉദ്ഘാടനം സ്ക്കൂൾ മാനേജർ വെ. റവ. ഫാദർ വർഗ്ഗീസ് ചാലിശ്ശേരി നിർവ്വഹിച്ചു. സ്ക്കൂൾ പ്രിൻസിപ്പൽ വി എ ലില്ലി സ്വാഗതം പറഞ്ഞു. സ്കൂൾ പി ടി എ പ്രസിഡന്റ് സി ഒ തോമസ് അദ്ധ്യക്ഷത വഹിച്ചു. പള്ളി കൈക്കാരൻ പിൻറ്റോ, ഹൈസ്ക്കൂൾ ഹെഡ്മിസ്ട്രസ് കെ ഡി റീന തുടങ്ങിയവർ ആശംസകൾ അർപ്പിച്ചു. എൻ എസ് എസ് ന്റെ ദത്തു ഗ്രാമത്തിലേക്കുള്ള പലവ്യഞ്ജന കിറ്റ് വിതരണം എൻ എസ് എസ് മാള ക്ലസ്റ്റർ പി എ സി മെംബർ സി ഡി ജിന്നി ഉദ്ഘാടനം ചെയ്തു. എൻ എസ് എസ് കോർഡിനേറ്റർ ഫസീഹ നന്ദി പറഞ്ഞു.